|
呀~仙爐! ~打邊爐
|
|
問米婆
2015-06-10
298
0
|
分享
收藏
| 紅磡舊同事又約食飯, 佢地想食返之前果間. 上次食過香辣底, 至今仍記憶猶新, 回味三分. 今晚又食魚啦! 很多年前(年代久遠矣), 與台灣同學晚膳時, 推介了酸菜魚 就是我首次嚐到酸菜魚味道: 鮮~酸~香~辣! 魚片泡了油, 浸在酸辣的湯裡, 青黃的湯面浮現紅紅的花椒辣椒等調料. 魚肉嫩滑, 湯底鮮味十分突出. 以上就是我對酸菜魚的記憶了! 今次鮮活烤魚HKD368, 試酸菜底+少辣, 希望有驚喜. 平底鍋面頭有泡椒, 青辣椒, 酸菜, 豆芽, 枝竹, 腐竹, 芫茜, 還有主角, 咪就係似龍躉定係石班的大魚. 見到魚表面金黃色, 好明顯, 大魚係拖過油. 拖過油, 即係裡面已經熟左啦, 咁煮一陣就食得掛! (#我好肚餓喎) 但係要好大力用匙羹才能分開魚肉. 看看我搶到的魚鮫~~~~!! 原來拖油後的肉質更結實, 即使煮耐少少, 魚肉都唔會鬆散, 亦唔會UN (#唔怪得平時屋企蒸魚, 筷子篤下就散) 面對咁正的邊爐, 大家都好快手咁~~~食. 好快, 只剩下魚骨了. 但大家意猶未盡, 點都要嘆埋個邊爐. 再點其他配料吧! 脆鯇魚腩 上枱果陣，見到魚腩係扁平的， 很擔心魚腩唔新鮮 魚腩煮熟後, 魚皮收縮， 魚皮的魚鱗位飛曬出來, 好立體. 魚肉的曲線凹凸有緻， 証明呢個魚腩好新鮮 魚肉咬落係脆的, 但都係有少少骨, 食果陣要小心! 竹笙吸曬酸酸的湯汁 花甲鮮甜 黑柏葉要快撈起, 好易UN 四寶丸<<<只係搶到1粒蝦丸 蝦滑內, 仲有蝦肉粒粒 雲吞 <<< 應該件自家制的, 豬肉餡內有完整的蝦, 打邊爐, 當然唔少得汽水同埋菜菜啦! 呢個仙爐,,, 夠令我回味! 同事何時再<<飯聚>>?
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
| 商店 | 打邊爐海鮮火鍋燒烤店 Heat Boiler Seafood Hot Pot BBQ |