|
鮮味 ~ 就係無添加
|
|
問米婆
2015-03-19
528
0
|
分享
收藏
| 屋企樓下原本有蜑家菜館, 但是後來菜館換了老細, 食物失去了蜑家感覺. 今次放工後同朋友去紅磡廣場新開的均一店購物+晚餐, 見到有間蜑家菜館, 不如試試. 入面地方又幾大喎, 我鐘意坐得舒服D ~ 戰利品+外套+手袋都要額外1張CHAIR啦 我地選左蒸氣火鍋, 配其他海鮮食材, 枱面已經放左個鍋, 鍋底中央有個氣孔, 將剛洗過的生米, 在氣孔旁圍圓圈, 上面再放蒸隔, 蒸隔鋪上荷葉, 荷葉只佔蒸隔50%面積. 職員話係鍋底的氣孔釋放蒸氣, 食材就是直接放在荷葉上蒸熟. 食物的原汁會滴落生米果度, 生米吸收原汁後, 最後變成一鍋粥. ~ 係真唔係呀, 生米來喎, 真係會變成粥?. 食完咪知囉. ~ 用豬油網卷住豬肉, 原條煎封後切件 似燒味店果款肉條, 但呢個的豬味較濃 再配店家的洛神花茶, 酸酸甜甜, 夠醒胃呀. ~ 原條金邊池配啡色菜 < -- 係咪冬菜呢? 呢個就係我以前食過的蜑家味道 雖有細骨, 但金邊池的鮮甜, 值得我去lun骨. 職員放左個計時器係枱面 ~ 考試咩(>.<) 原來每款食材都最佳蒸煮時間, 如果將每款食材蒸煮時間張貼係店內, 可能更方便客人查閱 它們來自大海, 本身己經充滿海水味, 海水+海鮮-係最天然的配撘 天然咸香的味道, 真係YUM YUM YUM. - 蒸蟶子(蒸2.5分鐘), 我鐘意細隻D 體積細, 受熱更均勻, 減少蒸的時間, 肉質會更嫩滑. 太大隻好易蒸過火 計時器又響了, 食落真係ARM ARM好, 爽甜, 噢賣桔. - 瀨尿蝦 呢隻有膏, 要4分鐘, 無膏3分鐘OK 瀨尿蝦外形太古怪了, 剝殼真係要考功夫 清蒸, 無額外的醬汁, 反而方便剝殼 個人好喜歡這個雞件. 雞件本身醃過, 蒸完又滑又入味 配埋荷葉香, 哎呀, 荷葉蒸雞呀, 我食左幾件了. ~ 鱔魚係我至愛, 店家仲加了黑椒粒係魚肉上面TIM. 魚皮滑LUT LUT, 魚肉爽甜彈牙, 久違了的鱔魚呀 ~ 生蠔配薑絲(蒸2分鐘) 生蠔蒸熟都算OK清甜 始終唔係即開殼的蠔, 難以與生猛海鮮LEVEL對比 ~ 生蝦(蒸2分鐘), 新鮮的蝦, 何需點豉油都咁鮮 個人偏好的煮蟹方式 = 清蒸 首先, 這是最能保留原汁原味的做法. 第2, 可以了解蟹是否新鮮 第3, 食得最方便, 雙手可以保持乾淨 << 因為清蒸無落油, 食果陣唔會成手醬汁, 咁咪唔洗特登去洗手盆洗手囉>> ^^店家特地將個PAT PAT掩MIT走, 方便蟹的精華流出, 做法幾特別. 海鮮食完了, 鍋底係咪變左粥? 揭開蒸隔先, 真係有一鍋粥喎, 職員無ART人. 加D生菜攪勻, 再筆少少試下 (鹽, 胡椒, 菜甫, 榨菜&蔥花自行配撘) 綿綿粥, 無渣, 鮮甜, 所有食材的精華係曬度. 我食左2碗了, 再打包埋個粥返屋企, 真係一滴都無嘥 食材新鮮, 用最簡單的方法, 唔洗落調味料(全程無點過豉油), 都能帶出所蘊含的鮮味, 又何需落味精 鮮味, 就係無任何添加都咁正. 題外話/補充資料 返家路上, 唔洗飲太多水 = 無味精, 身體的反應, 就係最好的證明!
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
人均
$400.00
| 商店 | 皇朝私房火鍋 King's Dynasty |