刺身擦擦擦 SeeWide

聽好多人話大滿喜係放題中既表表姐，
喂食既我當然要搵朋友同我擦餐勁～
因為放題咩都食到所以好似食上引咁！
時不時都會去食～最緊要係夠抵食
大滿喜日本料理的相片 - 旺角)

同朋友黎到大滿喜，六點幾都幾多人！但好彩未去到要等位既時段，所以我地都夠醒～
大滿喜日本料理的相片 - 旺角)

環境好大，而且座位間唔算太迫，五點幾入座已經有幾十枱人
大滿喜日本料理的相片 - 旺角)

同朋友一坐低即時狂點菜，不過當然會分批比侍應，
之前唔識野一次過比晒，野都未食完又黎野，搞到唔知點算好！所以一次幾張係妙計～

三文魚，他媽的有夠好食！！件件厚切夾肥美，啖啖都食到解甜口感，食三文魚係一大享受呀～
鮑片，當然唔少得我第二至愛，鮮味夠香，食落有口感，而且點食都唔覺飽
甜蝦，好有水準，甜得黎夠多肉，而且唔會腥，抵讚！
螺肉，夠晒爽口，而且都冇腥味，不過相比之下，我比較中意食上面果三樣多啲～

地獄三文魚沙律，一聽到三文魚就開眼想食，但黎到好失望，醬汁又咸又辣，搞到入唔到口，唔怪得叫地獄三文魚，唔食辣既人唔建議嗌

燒翠瓜，熱度岩岩好，有少少燒汁，食落爽口多汁，唔錯唔錯
燒雞串，一定要食！火喉好夠，少少微焦，燒得好入味，之後大家都多嗌幾串
雞軟骨，屬正常，食落唔會太硬，好咬口，好有咬勁

咖哩魷魚，一定要熱食！一份既份量好足兩人食，咖哩入味，有微微辣，魷魚煙韌又鮮口好味
但凍左既話食番反而會有啲痛苦，凍左魷魚冇咁軟身會費好大牙勁，而且份量多兩人食唔晒

牛油炒帶子，超香牛油味，食落都充滿牛油香，帶子大大粒夠晒抵食，不過食多會比較乾～

壽司賣相討好，而且款款都唔錯，火焰壽司入口即溶，而且飯既份量唔會好大舊，同壽司岩岩好比例，
有番啲壽司醋味既話會更加好～～

北海道3.6牛奶布甸，奶味夠濃又唔會太甜，上面有啲脆脆可以增加口感，
食完一杯又一杯～而且我勁中意食牛奶布甸～呵呵～～
題外話/補充資料
因為要應負太多人客，所以出餐比較慢，有少少漏單情況，不過可以接受～

============================================

感謝 chickenandpp 提供以上資料

============================================

~END~

人均 $180.00

商店

大滿喜日本料理


(0)	(0)	(0)