|
好正呀！二人特盛燒烤
|
|
chickenandpp
2015-09-08
677
1
|
分享
收藏
| 好耐好耐好耐冇同CHICKEN食好野喇...因為大家都忙， 終於知道出黎做野之後既生活，時間係完全就唔到！唉 不過..我好快又係一條好漢喇～ 今次同CHICKEN黎盛八日式燒肉店食燒肉！這機會終於比我等到XD 兩人一齊黎到依到，真心唔容易呀～就快感動落淚XD 環境好有日式風味，韓燒就食得多，但日燒就好少食喇，個燒烤爐同食物都有好大分別 燒烤爐有個鐵網，而且比較矮身，爐上冇抽油煙機，而且見到筷子、醬料等等都完全唔同，所以係真正既日式燒肉 餐單好多肉揀，見二人套餐$538幾多野食，覺得抵食又吸引，又廢事諗咁多傷腦根，一於決定叫依個 前菜為金目鯛雙色蟹子蝦沙津花之戀同山葵龍蝦米紙卷各兩件， 花之戀食落新鮮，而且仲會有埋蝦籽既口感，特別又夠開胃 山葵龍蝦米紙卷，味道清新，多配菜得黎中間夾雜蝦米，醬汁酸酸甜甜～ 巴馬火腿蟹子沙律，蔬菜新鮮開胃，配酸酸甜甜既醬汁，入味非常。巴馬火腿肥瘦均勻，本身既咸味被醬汁中和，蟹子側少中有少，口感唔多 最先黎到既係香草牛油大磨菇，好香牛油味，直接成個連錫紙放係爐上燒，等牛油溶左啲，再塗開佢～ 香草牛油大磨菇，燒既時候真係愈黎愈香，磨菇好大份，食落多汁又香口，而且燒既過程方便，值得一讚！ 然後就到依個超期待既燒肉拼盤出場～雖然餐單上面分開左海鮮同紅肉，但其實係一齊上嫁～ 不過CHICKEN見到依個份量，有啲擔心唔夠食，依隻大食雞真為食－ － 成個燒肉拼盤有香草牛油帆立貝、韓式辣醬魷魚、車海老、澳洲和牛里肌肉、芝士黑七味沙肝同泡菜醬雞腿肉，雖份量唔多，但勝在咩都食到啲，但估唔到日燒都會用韓式醬黎腌肉，唔通同化左XD? 澳洲和牛里肌肉，肉質幼嫩，牛味非常香濃，燒到岩岩好7成入口，超正呀！！如果散嗌既話都要嗌依個～ 泡菜醬雞腿肉，微微既咸辣但可以接受，雞肉烤過後會較乾身，不過雞皮啲油出番黎，可以平衡番成舊肉，不過相比下牛里肉較出色 芝士黑七味沙肝，燒既時侯，啲芝士會痴實係鐵網到，而且要定時反轉黎燒，所以熟左後啲芝士已經冇左7788，沙肝口感好爽，似食緊雞腎，芝士味滲入左去，所以好入味～ 香草牛油帆立貝，兩隻都大大粒，加上牛油更香濃，食時小心個殼好熱，食落鮮甜又香口，好過癮！ 車海老，雖然唔知點解叫車海老，但都估到係海蝦，預先已幫我地分開兩半，而且中間夾左塊牛油， 肉質彈牙有口感，帶微微既牛油香，但味道冇咩牛油味，但鮮甜到不得了！！ 日式咖啡牛舌炒飯，好夠鑊氣，食落雖有啲偏乾，但接受到！ 燒肉拼盤食完未夠飽都好彩仲有個炒飯～牛舌切粒，容易入口，炒飯好香咖哩味，帶少少辣，不過飲啖水就消失晒～ 盛八自家制奶凍，仲有甜品～又係我最愛既奶凍～奶味重但唔甜，不過有上面果層果醬配合番，食落甜而不膩，最愛既甜品呀！ 我嗌左巨峰提子乳酸梳打，
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$270.00
| 商店 | 盛八日式燒肉店 (尖沙咀店) |