刺身以外的選擇 @ 勝八居酒屋 SeeWide

由於工作地點近銅鑼灣, 所以間中就會去覓食, 今次挑選了位於永光中心勝八居酒屋食飯.
勝八居酒屋的相片 - 銅鑼灣)

好多人會好奇怪, 我咁鍾意食日本嘢, 但就是唔係刺身, 其實除了刺身外, 仲有好多款式選擇. 今次就來一餐無刺身的日本菜.首先, 點了個蕃茄沙律.
勝八居酒屋的相片 - 銅鑼灣)

這個沙律好簡單, 主要是蕃茄配一些蔬菜.蕃茄新鮮, 帶點清甜, 而蔬菜就夠爽, 入口非常清新, 好適合作為前菜.
勝八居酒屋的相片 - 銅鑼灣)

清酒煮蜆.

蜆也算大隻, 肉質幾彈牙, 最重要是入口沒有沙, 加上淡淡的酒香, 好味道. 對於我來講, 稍為咸了一點.
勝八居酒屋的相片 - 銅鑼灣)

愛食牛的我, 至少也會點一款牛的菜式, 所以點了煮和牛尾.

相對一些食店, 牛尾較少機會有得食, 和牛尾更少首次食.上枱時已經被吸引.和牛尾都好粗身, 所以肉也好多. 肉質相當腍身, 牛味又夠濃. 而蘿白更加是吸收晒和牛尾的精華, 非常啱我口味.
勝八居酒屋的相片 - 銅鑼灣)

食日本嘢, 什錦天婦羅不少得.
勝八居酒屋的相片 - 銅鑼灣)

天婦羅炸得香脆, 而且炸粉夠薄身, 最怕厚厚的炸粉.大蝦蝦肉幾彈牙, 南瓜幾甜, 冬菇不會太乾身.
勝八居酒屋的相片 - 銅鑼灣)

燒秋刀魚.上枱已聞到香味.
勝八居酒屋的相片 - 銅鑼灣)

魚肉唔腥, 肉質幾挺身, 就咁簡簡單單燒成, 已經能夠食出食的鮮味, 不用再點任何醬料.最後, 當然要食埋甜品就最完美.今次是紅豆雪糕. 雪糕內混入紅豆, 紅豆軟硬適中, 有口感, 仲有濃濃的紅豆味, 非常好食.
勝八居酒屋的相片 - 銅鑼灣)

============================================

感謝 sky_0721 提供以上資料

============================================

~END~

商店

勝八居酒屋


(0)	(0)	(0)