|
長沙灣。Super大中華火鍋店
|
|
Yanomi
2015-08-17
399
0
|
分享
收藏
8月15日(星期六)~之前咪講過..6月去布吉果陣 表弟約我地食火鍋既~有間仲未去..因為訂幾次檯都訂唔到 上星期日..娘家有家族飲茶聚會ma~同表弟又傾開飲飲食食 即興話早d book~約定依日去"Super大中華"食火鍋 估唔到一星期前book都係full晒~要20:30先有檯 表弟訂左20:30~再whatsapp通知我地~實在太誇張囉 好少咁夜食飯~不過點都去會一會..睇下點解咁巴閉先得! * * * * * * * * * * 差不多行到火鍋店樓下~同老闆講..8點幾條街好冷清 食店應該都唔會好旺~點知去到門口..樓梯已經堆滿人 我地訂左檯..所以等收拾好就可以入座~而食店仲推行 20:15前埋單離開有8折~所以好多都揀依個時段埋單走人 食店地方一般大..場內有海鮮檔~檯與檯之間都幾密~人流好多 另外..有幾間獨立房~細房消費約$2000-$2500/大房約$3500 設有自助醬料Bar($20/位) 有蒸鍋/火鍋選擇~我地揀蒸鍋..指定係會配粥底($88) 侍應先係蒸鍋下層放入白米&清水~面層放上蒸架 檯底有Gas &一支巨樽裝水..接上喉管~用作蒸食物 玩完蒸食~加湯轉火鍋..粥湯底仲吸晒海鮮原汁味道 先點"花甲"($90/例).."鑽石蜆($90/例)..扇貝x5($28/隻) 扇貝好新鮮~起雙飛好快蒸熟..口感爽彈好鮮味 鑽石蜆好好肉地~肉質帶爽身好鮮甜..蜆味濃~兩款蜆都好新鮮 大蓮鮑魚($120/4隻)~size比預期細小..肉質同樣好新鮮 脆肉鯇魚片($48) 魚片閃令令好有光澤~肉質又係好新鮮帶脆口 黃沙豬潤($38)..細個比較多食豬潤~依家已經好少食lu 唔會買..但唔會抗拒食~厚切豬潤粉軟..味道甘甘地好味 "本地牛"($288/大)~雖然我唔食牛..但睇碟牛既質素真係好靚 每片厚薄一致..好新鮮~老闆話肉質鬆軟有牛香 "自家製四寶丸"($88) 口感好彈牙..特別係蝦丸~鯪魚肉都好鬆軟 "厚切午餐肉"($38) 好少食火鍋點午餐肉~厚切份量十足~午餐肉唔太濃鹹 肉質好好~但我都係比較鐘意煎食(哈哈) "甜粟米"($28)..名副其實真係好清甜~粟米口感脆卜卜 另外~仲點左"肉眼根"($48).."雞件"($120/半隻) 啤酒(x5)~每檯送一籃蔬菜(菜心&生菜)(總消費:$1446) 整體食店環境ok~食材好新鮮..用料靚份量足~服務都好ok
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | Super大中華火鍋 |