|
Happy Hour。Home Bar & Restauant
|
|
Yanomi
2015-08-04
660
0
|
分享
收藏
8月1日(星期六)~好耐無探老爺奶奶..依日約佢地食日本菜 食完送埋佢地坐車..我地就係TMTP四圍行下~行到咁上下 返屋企hea陣先~晏少少再出去Happy Hour+食晚餐 "Home Bar & Restaurant"之前食過Lunch~食物水準唔錯 一直都話搵日去試埋個晚餐~咁岩突然好想食鹹豬手 搵搵見依間又有..就決定去試下 Happy Hour 15:00 - 20:00~飲品buy 1 get 1 free 先order 2杯德國啤($80/杯)~侍應話落order 1杯..跟上一杯 因為好多happy hour唔係咁計~order 2杯..之後先送2杯 所以我覺得咁樣好好~下一杯轉飲其他都得囉(共飲4杯) "Italian Seafood Platter"($200) 大蝦4隻..青口3隻..魷魚5件..帆立貝3隻..蜆7隻 鮮茄蓉醬料好豐富~酸中帶辣好開胃 底層仲有薯蓉~口感勁軟滑 整體海鮮~除左大蝦欠少少彈性外..其他都好新鮮 "German Crispy Pork Knuckle with Mixed Vegetable"($180) Set Dinner有餐包..沙律..餐湯..主菜..甜品..餐飲 食材好新鮮~醬汁酸酸地好開胃 餐湯..好在飲左一啖~比湯皇老闆毫不留情地一口氣飲晒(嗚) 記憶中既味道..有番茄/甘筍而食材帶清新 忌廉湯好濃郁又幼滑..好好味 餐包就ma ma..口感鬆泡泡較空氣感 原隻鹹豬手..切件上檯~份量好足 跟上沙律菜..蘸汁有蜜糖&黃芥末 鹹豬手夠乾身..肉質有咬口~但味道好重鹹 皮層雖然脆..但唔夠鬆~未算係..食過最好味既鹹豬手 首選果間依然係栢麗灣~而次選就係諾士佛檯 底下又有軟滑薯蓉~完全粉糯入口即溶..好好味 伴上沙律菜..有助中和肉膩感 甜品~下層係蛋糕層..上層雪到好凍硬~都食唔到咩味 如果係cheesecake又無芝士味~唔滑但勝在唔甜漏 反而上次lunch..個甜品比較好食 場內冷氣好凍~中段職員調過冷氣溫度好少少 加上唔記得帶外套同圍巾~好在臨尾記得有杯餐飲 因為侍應又無提呢~即刻點個"熱檸茶"解凍 整體環境..張檯好細但都坐得舒服~所以食物要逐個點 食完一個再點一個先有位放~晚餐食物ok..set dinner好抵食 Happy Hour又抵飲~服務有禮貌..由其男服務員(總消費:$594) 2015 lunch - Home Bar & Restarant : http://yanomichung.blogspot.hk/2015/03/lunchhome-bar-restaurant.html 2011 栢麗灣 - Oma's Kitchen : http://yanomichung.blogspot.hk/2011/11/omas-kitchen.html 2014 諾士佛檯 - The Steak Kitchen Bar & Restaurant : http://yanomichung.blogspot.hk/2014/07/the-steak-kitchen-bar-restaurant.html
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | Home Bar And Restaurant |