|
Saturday Brunch。The Market
|
|
Yanomi
2015-07-30
642
0
|
分享
收藏
7月18日(星期六)~6月中..表弟婦whatsapp問我 有無興趣去"The Market"食brunch~依間一直有留意想去試 但要2個月前訂檯~講真! 食個brunch要等2個月~真係無晒意慾 咁岩佢個fd 5月book左..但臨時去唔到~所以今次唔駛等咁耐 就可以試到~7月第三個星期六..又同表弟兩公婆見面(哈) Brunch(11:45-14:30..$488/位)~佢個fd話得15分鐘hold檯 我地11:40am去到登記+派飛等安排入座~餐廳環境好開揚 入座安頓後..見仲有好多吉檯~應該好多人book左但無黎到 Brunch仲包有Sparkling wine任飲 食物款式都OK多~後面係熱葷類,粉麵/點心/燉湯,印度菜等 另一邊有北京烤鴨,煙三文魚,冬蔭功湯,海鮮湯等 日式區 甜品區~除左一般甜品..仲有部份以榴槤做主題 部份甜品..同之前係樓下"Green"食tea既款式一樣 仲有生果,麵包,芝士,hams~生果有d可以原個自己切食 老闆第一時間就飲燉湯..仲拎埋比我 我好鐘意飲"椰子燉雞"~開蓋已經聞到勁香椰子味 個湯好濃郁多料..好好飲 海鮮類..除左螺唔新鮮~其他都新鮮有鹹海水味..無雪味 "北京烤鴨" 專人即時邊翻烘皮層..邊包裹~皮層好薄帶微熱 餡料有大蔥,青瓜,鴨肉..伴上海鮮醬~好味..有encore 刺身類食左"甜蝦"..肉質新鮮 "葡汁焗海鮮"~新鮮熱辣辣~餡料有細蝦,扇貝碎粒,菇粒等 焗得夠乾身..海鮮料無出水情況~葡汁夠濃稠度..整體好味 話時話..老闆今年算食少左牛~雖然有時會想食 但轉頭又話唔食~依日拎左件牛..睇佢切都知ma ma地 中間太生部份切唔斷..味道話唔太好吃 唔駛問..pizza一定係我食既(哈哈) 有3款pizza~辣肉腸無試..批底整得好香脆 餡料多cheese..清淡+微茄味~好味 印度類款式唔多..得咖哩牛/羊~眼花睇錯拎左牛 我食naan..老闆食牛~味道一般 馬來西亞炒粿條~唔係即炒..微熱~味道比較笠口 "水晶餚肉"~鹵凍味道平均..入口煙韌有彈性 老闆飲晒咁多款湯..依個海鮮湯有encore 五成飽..開始試甜品~部份用中國茶整成既甜品唔錯 食到茶味好香~而整體甜品唔會好甜..岩我口味 甜品好精緻..份量細少可以試多幾款 "榴槤芝士撻"..榴槤味好足+原味~撻皮口感鬆脆 朱古力果件~除左朱古力..仲好香茉莉花香味 其他cheesecake都好味..蛋糕層質感好軟熟 "炸榴槤 & 榴槤雪糕" 本身唔like食個炸皮~入面有豐富榴槤肉..味濃但有d苦 因為食完炸榴槤..再食雪糕~所以有少少影響個味道 變左個雪糕榴槤味唔夠~奶味比較重 生果好新鮮~芒果/蜜瓜好甜身..後面仲有蜜柑 臨尾拎個Movenpick既"檸檬雪葩"比老闆食 味道酸酸甜甜..有點點果肉~即時消滯又開胃 整體環境舒適..食物+服務都唔錯 2103 Hotel Icon - Green : http://www.yanomichung.blogspot.hk/2013/06/hotel-iconhigh-tea.html
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | The Market at Hotel ICON |