|
旺角。老川皇
|
|
Yanomi
2015-06-01
291
0
|
分享
收藏
5月16日(星期六)~依早係屋企煮早餐食 食完..各自各自由活動~老闆12點幾已經話好眼瞓 咁由佢瞓囉~最緊要個人夠精神..唔夠精神好易病架 佢瞓晏覺..我又搵定夜晚食咩先~原本想去食西餐 諗諗下又好似好heavy~咁諗好去食泰菜啦!(老闆實like) 等佢瞓到3:30pm起身~同佢講去食泰菜..竟然No喎?! 咁問佢想食咩?! 原本話想食海鮮~一陣又話想食中菜 之後又話想食水煮魚~左左右右..花左成個鐘先決定到 最終揀去"旺角 - 老川皇" * * * * * * * * * * 食店地方好寬敞~卡檯座舒適~但女洗手間比較偏遠 加上近後樓梯..好靜~感覺上不太有安全感 啤酒($26 x2)~啤酒本身已經超級冰凍..正! "水煮桂花魚(中麻中辣)"($158) 另外仲有2款.."水煮魚/水煮生魚"選擇 桂花魚肉好滑~分成魚肉,魚骨,魚腩,魚頭~份量好足 中麻中辣比預期輕~以我地既辣度而言..只係微辣 但中麻中辣..的確食到半麻及半辣比例 水煮汁底夠味~整體味道都唔錯 配料只有大豆芽..份量都幾多 "干鍋肥腸"($78) 話唔食..之後又食~老闆都係敵不過肥腸誘惑(哈哈) 以熱鍋奉上..熱度keep得住~味道越heat越濃 豬腸份量好足~好在配料都好多..可以中和膩感 同樣中麻中辣~因為算乾身..味道比水煮魚更惹味 "手拍黃瓜"($28) 黃瓜口感清爽~中辣味道好夠好入味 整體食店環境舒適~服務有禮貌又無催趕 有機會想試下個烤魚..好似都幾吸引(總消費 : $348)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 老川皇 (旺角店) |