|
荃灣。Kim's Spoon
|
|
Yanomi
2015-02-06
489
0
|
分享
收藏
1月31日(星期六)~老闆話想食韓國菜..其實我都想食人蔘燉雞 原本之前已經想搵日去"山林道 - 喜來稀肉(Seorae)"試下既 咁岩早排荃灣區開分店~裝修緊..老闆已經話搵日去試 等等等..終於開張一段時間~依日先有時間去..打去訂檯呢 點知限食1.5小時..咁唔食啦! 睇下閒日有無限時先再決定 依家d食店真係超勁老土~限時已經夠衰..仲要得1.5小時 食餐飯下下要望錶..心理都有d壓力~反正唔主力食燒烤 見"新之城"都開左間韓國菜~所以轉場去"Kim's Spoon" ~ ~ ~ ~ ~ ~ ~ ~ ~ ~ 食店環境好舒服~設計簡約有時代感..感覺帶優閒feel 早去到客人唔算多~服務員安排我地坐4人座..坐位舒適 每張檯預備一支水及一大碗"泡菜" "泡菜"完全唔吝嗇..可讓客人任意享用 口感爽脆..夠入味~唔會過於濃鹹帶微辣 天氣凍..我好想食"海鮮人蔘燉雞"($98) 有魷魚,墨魚仔,青口~加左海鮮料..湯底多一份鮮甜 糯米飯軟綿綿~燉雞既雞骨都腍晒..可以連骨食 湯底好夠味..但人蔘味較淡~但整體都係好味 天氣凍..老闆話想食熱鍋~但熱鍋得"部隊鍋 & 牛肉鍋" 2個鍋都有牛~"部隊鍋"比較少~唯有點個"部隊鍋"($88) 火鍋料有腸仔,午餐肉,茄汁豆,翠肉瓜,椰菜,年糕,牛肉 平時火鍋晚餐~我地唔會買"腸仔/午餐肉"做火鍋料(丸類少少都可以) 所以"部隊鍋"..其實唔算好岩食~最終食剩晒d腸仔 拌勻醬料後..湯底即時紅紅辣辣~味道帶微茄酸+極微辣 年糕好煙韌~除左腸仔+午餐肉..整體鍋底其實都好味 整體食店環境舒適~食物好唔錯..價錢平~服務不過不失
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | Kim's Spoon |