|
老闆請食飯
|
|
愛食
2015-09-08
418
0
|
分享
收藏
| 上月底,上司話俾我o地知,老闆RC同ET請我o地12人食飯,雖然唔知去邊o度食,但都估到o黎呢o度. 我o地分乘三架老闆車到o黎,我o地被安排坐兩張長方形,近外面圓林o既枱,安頓好去攞o野食. 我食o左: 1. 一隻熟帶子 冇味,一定要蘸醬食. 2. 青口 就算唔蘸任何o野食都好過帶子. 3.-5. 三文魚刺身, 加州卷, 燒牛肉 正常冇問題. 6. 羊鞍 好細隻,唔羶又嫩,薄荷醬好味. 7.-8. 火腿同唔記得咩腸 正常冇問題. 9. 煙三文魚 味道溫和啲,唔錯. 10. 唔記得咩中湯 淡淡地,幾舒服. 11.-13. o係車仔麵檔攞o既蘿蔔,牛丸,墨魚丸 又深色又大舊o既蘿蔔好腍,亦都好鹹,食o左半舊就唔要喇. 牛丸,墨魚丸一般. 14. ,唔知咩通粉 都係一般冇問題. 15. 瑤柱小棠菜 瑤柱幾多,小棠菜軟硬適中. 16. 唔記得咩蝦餃 都係一般. 17. 百合炒鮑魚 清淡得o黎都幾好味. 18. 紅莓汁青檸汁梳打 呢日冇橙汁飲,試吓呢個,又幾好飲, 清新唔會好酸. 19. 厚窩夫 女同事CP攞冇落醬料,佢好厚,我食半件,外脆內軟好飽肚. 20. 唔知咩蛋糕仔 其同白色o既,我食到有椰汁味,口感好鬆軟,只係味道唔多o岩我. 21. 檸檬cheese cake 檸檬味重,但幾好味. 22. 蘋果cup cake 外表係cup cake,食唔出面上淺藍色o既cream,cake內面原來係一粒粒o既蘋果,少少肉桂味,恰到好處. 23. 朱古力塊 女同事CL話呢個朱古力塊掂,係黑朱古力,唔會好甜,於是我攞o黎食.但我覺得苦. 24. 紅豆糕 好細個o既,又淋o左椰汁. 紅豆糕唔太甜,糕o既口感正常,但紅豆未夠腍. 25-26. 曲奇雲妮拿, 紅莓巴菲雪糕 有曲奇碎o既曲奇雲妮拿唔多食到雲妮拿味. 紅莓巴菲顏色好紅,食到巴菲o既質感,不過我就接受唔到. 其實重有好多o野食,就連中式燒味都有,但我已經食唔落. 環境: 地方好闊落,空間充足,好正.而我個位係中間位,但都幾凍吓. 服務: 好一般,攞羊鞍時,o個個職員有啲晦氣. 問我o地餐飲飲咩o野,o個時我o地7個人,有1個去o左攞o野食,落o左單,o個位同事返o黎,我o地就叫佢叫o野飲.之後o黎o左後,竟然欠o左第一輪有叫餐飲o既同事o個杯. 價錢: 如果酒店未改價錢,就同上一篇食家o既食評一樣,$328.00一人,同事有張credit card offer85折,不過最多只可俾12人,另一張就有8折,咁就簽12個85折,1個9折,咁應該係$312.86一個人. 味道分唔計雪糕,3.24分
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$312.00
| 商店 | 沙田凱悅酒店咖啡廳 |