抱歉，發生點錯誤。
重新載入
被迫速食
愛食 ★ ★ ★ ★ ★
2015-06-28
456
0
分享
收藏
尋日(27-6-2015 Sat)男友放工,被女同事JT扯埋佢男友K,舊男同事CW一齊食晏,問埋我去唔去?我答好吖.男友決定Pokka.

我o黎到,好快到我o地啦.我o地先坐低揀o野食,邊等CW.我男友要$158.00 A餐,香煎美國上級牛柳配黑椒汁,要意粉,加$10.00要骨膠原咖啡.我同JT要C餐,上級什扒(羊扒,豬扒,雞扒)配野菌燒汁,不過JT唔要羊扒,轉為雞扒.K就要B餐,咩三文魚唔知乜乜,亦加$10.00要骨膠原咖啡.而三個餐中,我揀沙律,佢o地三個都要湯.而我同男友加個$55.00o既明太子魚餅.

冇耐,男方o既骨膠原咖啡到o黎,係侍應拎個壺o黎斟,


骨膠原咖啡 - 荃灣的百佳咖啡餐廳)
男友加奶攪,我問佢有冇骨膠原o既感覺?佢答冇乜,我飲吓,口感都冇,請問骨膠原在那?

然後,我o地o既沙律,餐湯同餐包都到o黎,我o既沙律就只係生菜加醋,


沙律 - 荃灣的百佳咖啡餐廳)
餐湯係雜菌忌廉湯.


雜菌忌廉湯 - 荃灣的百佳咖啡餐廳)


餐包 - 荃灣的百佳咖啡餐廳)
沙律正常冇問題; 雜菌忌廉湯菌味濃郁,稠杰度都o岩o岩好.

此時,JT聯絡 CW,問佢食咩o野? CW揀o左C餐,要凍咖啡同餐湯,JT都幫佢落單先.

之後我o既明太子魚餅到o黎,一客四件,


明太子魚餅 - 荃灣的百佳咖啡餐廳)
男友用叉都已經可以將佢cut開,


cut開o既明太子魚餅 - 荃灣的百佳咖啡餐廳)
佢係軟綿綿o既.食落,當然係軟綿綿,明太子亦唔太鹹,味道淡淡,蘸魔鬼沙律醬會好味啲.

JT佢o地都有食,佢o地都覺得 OK.

等o左幾耐吓,兩個上級什扒(羊扒,豬扒,雞扒)配野菌燒汁終於到o黎,我o個個o岩,至於另一個,我問係味羊扒改雞扒?侍應答係飯糰改白飯,我o地話唔係啊.佢check check,之後返o黎話廚房攪錯o左.

之後俾返個改雞扒o既o黎.我o地先開餐,


上級什扒(羊扒,豬扒,雞扒)配野菌燒汁 - 荃灣的百佳咖啡餐廳)
我o既7成熟羊扒軟硬度冇問題;件豬扒細細件;雞扒冇問題;個汁幾好味.而飯糰呢,JT一食就話好食,我食吓先,味道係足,但太乾身.

中途,K o既三文魚到o黎,CW亦到o黎.

相隔11分鐘,男友o既香煎美國上級牛柳配黑椒汁意粉終於到o黎,


香煎美國上級牛柳配黑椒汁 - 荃灣的百佳咖啡餐廳)


意粉 - 荃灣的百佳咖啡餐廳)
意粉用橄欖油煮,好香橄欖油味,口感係正宗偏硬o個種;7成熟 牛柳同樣軟硬度冇問題,不過黑椒汁辣o左啲.

最後我飲凍檸水, JT要凍檸茶,呢啲正常冇問題.

服務:
入去後,每位客人又限時食個半鐘,我o地想講,佢o地o野食o黎得慢,客人係被迫坐咁耐,唔好將責任放o係客人o度.

密密收o野係好事,不過連餐具都係咁收,你o地餐廳要洗多啲係你o既事,但唔環保囉.

個女仔木口木面,冇笑容.

衛生:
地面黐立立.

價錢:
好彩JT有問有冇咩credit card有折,匯豐有9折,咁就平o左.價錢同食物我只計我同男友份o既.

味道: 3.4分, 抵食2.3分


============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong


============================================

~END~
人均 $178.70
商店 百佳咖啡餐廳 Pokka Cafe (荃灣千色店分店)