|
菜少
|
|
愛食
2015-06-13
404
0
|
分享
收藏
| 家人決定o係(11-6-2015 Thur)晚食端午節飯,我,book好位,o個晚o左大哥大嫂同我男友唔準時外,我o地5人都坐o係o度等,我o地決定要$1,288.00o既晚飯超值全包宴半席,係龍躉鮑魚全包宴同特價$68.00o既片皮鴨. 好耐,大哥大嫂至到,我男友就突然要OT o黎唔到.我就邊食邊幫佢夾起拎走啦.好,開餐喇: 1. 鴻運乳豬併盤 有叉燒,乳豬,海蜇,雞同燒鴨.海蜇有少少辣,口感爭小小;叉燒係半肥瘦,甜甜地唔太鹹,又幾好食; 而乳豬呢,邊係乳豬?咁多肉,皮都仍脆o既.雞同燒鴨都不過不失啦. 2. $68.00o既片皮鴨 上枱時已經片好晒,味道正常冇問題. 3. 上湯焗海蝦伊麵 二哥一夾,全部係碎o既,有冇攪錯?我o地唔係o黎食餸頭餸尾o架?伊麵我覺得夠鹹,好似食到小小芝士味.海蝦size唔大,蝦穀又軟,真係可以食埋. 9. 當紅脆皮燒雞半隻 等o左幾耐吓,上o既竟然係最尾o既呢個餸,咁不如上壽包先吖. 雞o既鹹度夠,肉質o岩o岩好,唔’o鞋’. 4. 翡翠珊瑚蚌片 翡翠係西蘭花,切到大大舊, 呢個餸唔係唔好食,只係味道好似爭小小. 6. 紅燒海皇燴翅 我o個碗唔係有好多海鮮,翅針亦唔多.當最後知道男友趕唔到o黎食,我就食埋佢o個碗,佢o個碗就有珍珠帶子. 5. 酥炸廣島蠔 一共有8隻,有大有細,呢個冇問題. 8. 清蒸沙巴龍躉 呢條只係班,絕對唔係龍躉,呢個係蒸到o岩o岩好. 雖然我o地唔係’恨’食龍躉,亦知道呢個價錢冇可能食龍躉,但唔好o係menu裡面寫龍躉囉. 7. 金錢扣原隻鮑魚6隻 鮑魚唔係大隻,大概有4厘米長,都幾彈牙,冬菇大大隻又厚肉.墊底o既生菜唔多,我冇食到. 10. 籠仔蝦粒飯 飯底墊有荷葉,睇見深色o既飯好濕,只有爸爸同二哥可以食一啲,之後冇人食過(包括我),咁就打包啦.我同男友o個晚就share o左放入兩人o既飯盒,第二日帶返工食. 第二日o係公司食時,我食到有雞肉,飯有少少荷葉香,我好似食唔到蝦仁,真係太少喇. 11. 蓮蓉壽桃包6個 Size正常,但掰開睇,皮厚蓮蓉得好少,最多有1.5茶匙.蓮蓉唔太香甜,一般. 12. 合時生果 我冇食,係橙,應該只有1.5個橙.. 味道: 3.57分, 扛食係3.75分 服務: 當未人齊,我o地想落定單時,女侍應問o衣o家落單?我o地答係.佢話未齊人喎.二哥問係咪落單後會即上?佢答係o架.啊,咁唔落住喇.點知,人齊落完o左,咪只係頭o個兩樣餸好快到,其他都要等呀等, 等呀等. 價錢: 由於係大哥埋單,我問佢幾錢?佢分三個家庭計,我俾$450.00佢,即係$150.00一位,佢應該係收少我o地.
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$150.00
| 商店 | 明星海鮮酒家 Star Seafood Restaurant (石圍角商場店) |