|
被吸引
|
|
愛食
2015-04-26
585
0
|
分享
收藏
| Pizza Hut客郵政通函o黎,見到個黃金熔岩批好吸引, 咁o岩前兩公司有同事叫pizza hut開party食,就問同事好唔好食?佢答好食,而且係第一個食完o既食物.於是我o係今晚叫個2-3人餐,同男友,爸爸一齊食,就叫個$228.00o既滋味套餐. 我6:00pm打去落單,落完單話40分鐘到.OK,o係我預計o既時間內到. 6:36pm到o黎喇,我o地有: 1. 主角黃金熔岩批~燒烤誘惑(普通批) 有燒烤誘惑同海鮮帝國兩種,揀呢個係因為就有痛風o既爸爸,呢個有燒烤雞粒,煙肉粒,風乾豬肉,乳酪芝士,桃粒,車厘茄,黑橄欖,蘑菇,紅椒,意式香草醬. 打開睇,嘩!咁o既樣? 好明顯係個pizza打側o左啦=.=”.熔化o既芝士口感好好多,又唔使到一絲絲出o黎,批邊冇講到話咁脆但好香,食到最後覺得芝士鹹o左啲,可能我o地最後食芝士最後o個邊o掛.而饀料呢,食到一條條硬硬地o既,要撕開o黎食o既o野,就係風乾豬肉, 燒烤雞粒都幾大粒,但冇乜.味.而煙肉粒同蘑菇我好似食唔到乜滯,其他o野就正常冇問題.呢個pizza都算係特出o既. 味道: 4分 2. 吞拿魚煙肉腸長通粉 呢個睇到個汁o岩o岩好好,一啲多餘都冇,攪到差唔多要乾哽長通粉, 吞拿魚可能太碎同太少,唔係好感覺到佢o既存在.而煙肉腸,sorry,我都冇為意原來係煙肉腸,係覺得呂唔似普通雞肉腸仔,但亦食唔到煙肉o既鹹.而個汁咪就係茄汁. 味道: 3分 3. 葡汁焗蔬菜 蔬菜有西蘭花,椰菜,紅蘿蔔,青瓜同豆角,真騎呢,竟然用豆角.個汁甜甜地有椰汁味,屬於正常,菜都冇乜焗過龍,可能因為會出水啦. 味道: 3分 4. 田園沙律兩客 原來係o係田園沙律,百事可樂同蘑菇忌廉湯中揀兩個,都幾搵笨喎. 田園沙律有一貫o既生菜,羅馬生菜,粟米同車厘茄同黑橄欖. 沙律汁似係橄欖油,但下面比較深色o既? 原來係紅色o既, 倒入沙律菜o度食, 原來係紅桑子,酸酸甜甜,幾好味o既. 味道: 4分 呢餐爸爸只食o左一件pizza就唔o岩食,所以都唔計佢喇. 抵食係2.5分
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$114.00
| 商店 | 必勝客 (新領域廣場店) |