都係專心做撻吧 SeeWide

前日(18-1-2015 Sun)朝同男友落荃灣買餸,決定o黎呢間食full breakfast, 我o地o黎到,好彩又o岩o岩有一枱卡位客走,等侍應執好o野就坐低.

之後侍應俾份menu我o地話,

要先出去買飛.啊.我o地揀定後,男友拎過No.返o黎等人拎餐o黎.

我要$42.00o既full breakfast,有炒蛋配火腿,煙肉,豬肉腸,茄汁豆,粟米同厚多士,要鮮番茄螺絲粉,要凍檸蜜.

男友要$30.00o既焗批及蛋餐C,賓尼波蛋牛油撻配火腿,煙肉,茄汁焗豆,飲熱奶茶.

好快,兩杯o野飲

同鮮番茄螺絲粉到o黎,之後餐都一齊到o黎.

我o地開餐喇,我o既

炒蛋嫩滑,茄汁豆,係來貨,冇乜好評;粟米甜甜地,幾好;火腿,煙肉亦都係來貨,但係薄片,而佢o地都冇想像中咁鹹,不過煙肉有啲乾;來貨豬肉腸味道竟然有啲怪怪,麻麻;

而厚多士呢,睇見咁淺色就知烘得唔夠,而且竟然只烘一面,塗完牛油後食,唔脆,真係一啲都唔脆,咁咩o野叫多士?

之後食男友其中一個賓尼波蛋牛油撻,

面上黃色o既汁有啲醋o既酸味,賓尼波蛋熟蛋白包住未熟蛋黃,

合格,而牛油撻鬆脆,可以o既.

之後食埋鮮番茄螺絲粉,

鮮番茄已經變成茸,螺絲粉都仍爽口,番茄湯濃郁.

之後飲我杯凍檸蜜,竟然有啲澀;男友o既熱奶茶呢,佢唔加糖,我試吓,茶味又係唔夠,奶味太強.

之後男友又口痕要食撻,就出去買飛,佢買o左同樣$6.00o既沙翁,酥皮蛋撻各一個,兩個迷你叉燒批同一個迷你雞批,

共$11.00=.=”.因為佢話收銀同佢講,一個迷你批都要$5.00,不如買三個,而個職員重自動拎埋個紙袋俾我o地,話食唔晒可以拎走.

沙翁同酥皮蛋撻最好o衣o家食埋啦,

先食沙翁,呢個時間o既沙翁梗係凍,睇到裡面一層層o既蛋層,

有蛋香,但始終凍冰冰,影響味道.

而酥皮蛋撻呢,微甜o既蛋漿都幾滑,酥皮撻唔係好厚但好鬆,

好易跌到一枱碎.

之後食迷你叉燒批,甜甜地o既叉燒攪到好細粒,

感覺唔漏,批皮同樣鬆口,同跌到一枱碎.

最後食迷你雞批

,一食落去,竟然覺得肥膩,攪咩?

到最後,我o地留返一個迷你叉燒批拎返屋企俾爸爸食.
味道係2.77分, 抵食係2.5分

環境:
又係特登做70年代o既茶餐廳感覺,
T CAFÉ 1954的相片 - 荃灣)

重有一個大鐘o係o度.
T CAFÉ 1954的相片 - 荃灣)

其他:
佢重上面兩種餐外,重有麵包餐同意粉餐,佢o地應該係想吸引到老一輩同年青o既食客.

============================================

感謝愛食提供以上資料

============================================

~END~

人均 $47.50

商店	T Cafe 1954


(0)	(0)	(0)