|
鰂魚涌的Lutea...
|
|
oasiswong
2015-08-22
504
0
|
分享
收藏
是日上午到鰂魚涌太古坊探朋友, 到樓下咖啡店吹水至下午一時左右, 打算食埋午飯後才離開. 友人提議, 不如在咖啡店坐多一陣, 避開午飯的煩忙多人時間, 二時才去後街找食, 坐得寬鬆一點, 又吃得舒暢. 午餐供應時間: 11:00 - 14:30. 共有14項款式, 價錢大約六、七十元. 如果 Breakfast + Lunch = Brunch, 那麼 Lunch + Tea = Lutea 啦 .... 係嘩 ? 果然, 午飯時間剛完, 下午茶時段又未到, 這是最清閒的時候, 店員也可以安安樂樂地享用他們的午餐, 可是忽然又走來了兩位不識時務的客進來....哈哈... 午餐款式多, 也懶得慢慢研究, 看推介項目: 海南雞飯 和 海鮮叻沙.... 就咁啦... 跟餐飲品: 凍薏米水, 友人在校外課程部上了一年中醫課, 立即便中醫師上身: "...薏米水好嘢嚟呀...健脾、利小便、消水腫、 寧神安眠, .... 但熱好過凍喎.." 我無理佢咁多, 天氣熱到痴線, 重要熱飲?!? 佢痴啫, 我唔陪佢痴喇, 我都係揀凍薏米水, 少糖, 清涼, 味道甘淡....好舒暢. 友人的熱薏米水, 多了一片檸檬, 據聞....清甜解渴, 可以美白, 去水腫...喎... 海南雞飯, 雞肉去骨, 份量足, 米飯看到粒粒分明, 放了同等份量的蔬瓜伴碟, 健康考慮周到. 不得不讚那份絲苗米飯, 米質軟滑不失彈牙, 吸收香料味道之餘, 有雞湯味卻不油膩. 去了骨的雞件, 肉嫩白滑, 雞皮不厚不薄, 入口微爽而軟. 有說...香港的本土又或甚至星馬的白斬雞, 難與海南文昌雞比較, 更有笑料一則: 海南島人都嫌星馬的白斬雞無香味淡, 只靠醬料, 星馬人卻又認為文昌雞是"共產雞飯", 太重口味.... 哈哈.. 其實各有各好啦, 無論如何, 星馬的海南雞飯, 醬汁又真是必要條件喎... 傳統的黑醬油是來自馬來西亞, 用印尼甜醬油與老抽煮成, 所以杰度十足, 最好味. 薑泥以人手剁, 不似攪伴機攪出來的糊狀, 咬落有質感. 反而紅辣椒醬的味道不足, 雖然聞得新鮮辣椒味, 但入口未夠辣度與酸度. 友人的海鮮叻沙, 材料份量也十足, 帶子, 魚片, 鮮蝦, 蟹柳等. 我試了一小碗叻沙湯, 有椰香的甜, 蝦米的鹹香, 少少的辣度, 香濃惹味.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$72.00
| 商店 | 隨心 |