|
食雪糕...要影得快...
|
|
oasiswong
2015-09-05
530
1
|
分享
收藏
此店位於黃埔新村內的紅磡商場後街, 平日行過也不覺眼, 被兩間店鋪夾著, 兩間店都把大量貨品般到出街外, 幸好條街無車行 又夠寬闊... 穿校服學生有優惠: 75折, 要回家找找, 下次著埋嚟食.... 此店出品的雪糕, 據聞是用天然代糖製造, 不含雞蛋, 糖尿病患者也可食用. 小店供應的雪糕有22款品種, 款款吸引, 可惜今天只能食一款. 杯裝與筒裝的價錢一樣, 都是$32, 就各樣一款吧. 選擇了兩款味道: 抹茶和朱古力, 店員努力地"筆"雪糕, 我則望住佢"筆", 並努力地施展法術: "筆"大舊d....大舊d..... 哈哈... 金莎朱古力(Ferrero Rocher)..., 金莎... 無錯! 就係大陸自由行最鐘意那隻"金莎".... 好香朱古力味, 入口好滑, 好細緻, 全不察覺有不同的甜味, 這種天然代糖, 果然了得. 友人要了雪糕筒, 味道: 抹茶(Matcha), 現代社會, "相機先食"是常識, 無問題, 但最緊要食得快, 呢架相機食得太慢, 邊位漸溶的雪糕不斷向下流, 認真狼狽. 我試了一口, 抹茶味道超濃, 沒有朱古力那麼甜.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$32.00
| 商店 | Mamma mia Z Gelato (紅磡店) |