|
二汪小店
|
|
oasiswong
2015-09-02
609
0
|
分享
收藏
中文店名是"一碗小麵", 但英文店名反而是用 "Yvonne's noodle", 估計應該是店主的英文名, 小人大膽為她的店加多一個外號"二汪小麵".... 此店位於紅磡旺區二線、食肆林立的寶其利街, 必嘉街、黃埔街、寶其利街三條街幾乎七、八成店鋪都是食肆, 要企得穩, 一點也不容易. 店內裝修簡潔清新, 企理乾淨, 牆身沒有貼上中文"一碗小麵"的招牌, 而是英文: "Yvonne's noodle" 下午2時半, 午飯時段完結, 下午茶時間又未到, 只有一位顧客在等外賣, 這時段最清閒, 食得最舒適. 最喜歡的坐位, 可以一邊吃一邊望街, 看那些人來人往、車來車往, 吃得特別有味道. 散叫餐牌, 看中了"招牌豬手麵"和"勾魂涼面". 免費供應的"菊花水", 微微的甜, 清涼解渴, 夏天妙品. 先來一道小食: 夫妻肺片 ($38). 友人自言自語, 原來研究緊"夫妻肺片"的翻譯: Husband and wife’s lung slice.... 我 吓咗一句, 答佢: "丈夫與妻子的肺切片" 咁樣翻譯, 鬼佬肯定睇得 one head mist water (一頭霧水) 啦... 哈哈.. 原始夫妻肺片, 其實即是"麻辣拌牛雜", 傳到香港後, 原始用的牛肺、牛心、牛舌、牛頭皮已不復見, 食肆通常都只用牛肚、牛舌、牛蹍三樣. 麻辣蜂巢肚, 顏色紅亮, 軟糯適口, 麻辣鮮香, 入口那種嚼勁, 無可代替. 麻辣牛蹍, 筋肉半透明相間, 肉質細嫩中有煙韌. 麻辣牛舌, 色澤醬紅, 清鲜脆嫩, 中麻少辣, 口感甘香. 招牌豬手麵 ($38). 落單時要求小辣, 三大件豬手, 份量十足, 伴碟生菜, 顏色啡紅, 賣相吸引. 好味豬手重點: 皮、筋、骨, 缺一不可. 豬手燜得夠腍身, 十分入味, 一咬, 筋骨順勢分離, 豬手皮淋中帶些少煙韌, 膠質狀的筋和軟滑的肉, 入口爽而彈牙, 完不覺肥膩, 三大件豬手, 迅速被消失了. 湯底味濃郁, 如所要求一樣, 辣度輕微. 麵條屬於中幼身形, 用筷子從湯中夾出, 拉至兩呎高, 長長也未斷, 甚為監介.... 哈哈.., 麵條煙韌彈牙, 中等掛湯度, 甚適合濃味湯底. 冷麵的名稱好趣怪, 命名為 "勾魂涼麵", 虧佢想得到, 好鬼異 又好有創意. 材料有青瓜絲、大豆芽、肉碎, 醬料是一般做冷麵的麻醬. 麵身與"豬手麵"的一樣, 屬中幼身麵條, 也是微微的辣度. 可能因為是冷凍做法, 麵身比熱食的麵條為硬和彈牙, 配以青瓜絲, 每一啖都有爽脆和彈牙的口感, 麻醬不算濃味, 食落清新開胃.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$50.00
| 商店 | 一碗小麵 |