|
高水平的滷鵝片
|
|
oasiswong
2015-08-18
623
0
|
分享
收藏
老友記來港自由行, 住北角, 順道找我吃飯, 晚間太忙, 唯有下午茶... 落了幾天雨, 今天出太陽, 熱到身水身汗, 最就手...地鐵口隔離, 潮州菜, 啱晒! 店門剛巧又有另一對自由行人士搵食, 研究中... 廚窗掛了廣式燒味和滷水鵝. 下面放置了各式各樣的鹵水食物. 老友被張貼在門口的餐牌吸引了, 餐牌介紹: 鵝片、醉香溏心蛋、滷水豆腐、黃金糖醋麵、三味鴨舌. 免卻了研究點菜問題, 就以上幾項好了. 醉香溏心蛋 ($28), 慢火煮靚蛋, 溏心雞蛋食得多, 今日食溏心鴨蛋. 鴨蛋膽固醇比雞蛋高，但鴨的食糧是水生動植物, 所以鴨蛋會有一種特別的香味, 而飼養方式不同, 香味也會不同, 鴨蛋的蛋白顏色明顯比雞蛋白, 入口也比較彈牙, 這店的溏心蛋黃煮得非常好, 七至八成的流質狀態, 又不會太稀, 加少少沙糖, 口感與味道...無得彈! 滷水拼盤 ($188), 賣相精美, 雖然是茶餐廳格局, 絕對拍得住大酒家, 三拼包括: 滷水鵝片、滷水豬腩肉、多層豬大腸，還有滷水炸豆腐壓底. 滷水汁呈鮮艷深啡顏色, 用筷子點來試一口, 滷味芳香, 味道醇厚, 鹹甜適中, 友人急不及待叫了碗白飯, 滷汁撈飯, 一流! 滷水鵝切片, 厚薄適中, 件件大小相約, 賣相美觀, 瘦七肥三, 肉質嫩滑, 也有纖維的嚼勁口感. 先把鵝片浸滿滷汁, 再輕輕沾一些蒜泥白醋, 滷汁味甘香, 白醋去油膩， 味道提升幾級. 滷水豬腩肉, 件件切得四正, 長方形狀, 膠質皮層彈口, 皮下只是一條幼幼的脂肪, 瘦肉約佔八成, 把它一卷, 浸滿滷汁後, 沾些少潮州辣椒油, 香鹹滷水與潮州辣油, 鹹辣惹味, 配合得當, 口感爽而不失彈牙. 十分有層次感的滷水豬大腸, 而我習慣只吃最外兩層, 何解....? 唔.... 我從少到大的習慣, 我都唔知典解... 豬大腸外層口感有韌性, 與牛肚好相似, 但牛肚厚身得多, 而且沒有豬大腸的獨特香味. 個人口味, 與腩肉一樣, 浸滿滷汁後, 沾辣椒油, 香辣豐膄. 黃金糖醋麵 ($68) 又稱為 "雙面黃", 但這店的出品是"單面黃", so...., pan-fried surface: both side or single side? that is the question! 就好似食"肉絲炒麵", 我喜歡"半炸", 即只炸一半麵, 一半麵不炸, 再撈勻來食, 口感勝於乾過頭的全炸. 糖醋麵的材料成本低, 但廚工麻煩, 容易燶, 要慢火煎, 花時間. 加糖或加醋? 各有所好, 如果是煎"單面", 我喜歡加糖, 半脆半軟的麵, 灑上沙糖, 入口微鹹略甜的味道, 相撞得很特別. 如果是煎"雙面", 脆口度高, 我則喜歡用鎮江醋, 香脆口感, 最宜配酸汁, 開胃降肥膩. 吃完推介菜式, 仍未夠喉, 距離晚飯時間尚遠, 加多一碗潮州蠔仔粥 ($42), 中型大碗, 二人份量, 給半飽的三人分, 剛剛好. 潮州粥, 十足係廣東湯飯, 放入芹絲、冬菇、冬菜、肉碎和蠔仔快煮數分鐘, 這店所用的蠔, 絕非蠔仔了, 應該係"蠔哥哥"了, 粒粒"手指公"般大小, 絕對夠誠意, 吃起來甚有嚼口. . 內部裝潢, 一半廚房以開放式設計, 方便顧客...監視... oh.. sorry, 唔係..., 應該係方便顧客"欣賞"廚藝....哈哈... 師傅也...被迫....都唔係....應該係... 自發地... 滿面笑容..... 哈哈...講笑啫... 事實係, 全店鋪的職員都十分有禮, 態度友善, 只是每人一百元左右的價錢, 食得相當滿意.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$120.00
| 商店 | 太平飯店 |