|
蜜豬最正!
|
|
oasiswong
2015-08-28
569
0
|
分享
收藏
早上食過早餐後, 未曾有嘢落肚, 超肚餓兼人有三急, 好困擾, 手震震, 腳軟軟, 影相技術超差, 光的太光, 暗的超暗, sosad... 店員安排好位置後, 立即衝去救命, 解決了"困擾"後, 經過吧檯位置, 空間感大, 放了一張英式卓球檯, 但無人玩樂, 未知是否要比錢? 店內裝潢新潮, 牆上放滿裝飾物, 有些幾無哩頭, 把酒樽放入鳥籠, 唔知想點... 木牌裝飾, 羅列各種咖啡名稱, 喜愛飲咖啡的人, 不會陌生, 看了又看, 總覺得其中一款 是完全不同的種類 : Irish Coffee 有酒, 其他都沒有.... 法國Kronenbourg 1664 生啤: Happy Hour 時段買一送一, 雖然只是至八時, 但可以先叫一杯上檯, 另一杯可以遲過八時才落單. Kronenbourg 的台灣中文翻譯: "可倫堡", 但我還是喜歡譯為"蓋倫堡"比較好. 這牌子近年在香港大受歡迎, 清新的味道, 泡沫綿密, 既有花香, 又有果香, 同樣打動男士和女士的歡心, 市場上甚少牌子的啤酒可以做得到. 店員送來了第一杯啤酒後, 再放下一張紙條, 方便過了Happy Hour後向店員叫埋免費的第二杯. 一邊飲啤酒, 一邊研究晚間套餐, 最後落單: 牛、豬各一, 安格斯10安士肉眼牛扒 ($260) 和 德國豬手 ($190). 跟餐"巴馬火腿沙律": parma ham的玫瑰色澤, 脂肪均匀, 入口甘香. 羅馬生菜脆嫩, 火箭菜少少甘澀, 苦菊(Frisée) 捲鬚微苦, 青瓜爽口, 蕃茄新鮮, 配上特別的洋蔥醋汁, 開胃提神. 羅宋菜湯: 夠熱, 瓜菜多, 味道濃. 麵包: 啡黃反光表面, 叮過, 夠熱, 餐包面 蛋糕底, 味淡, 牛油最佳配搭. 主菜: 10安士的Angus Ribeye, 果真夠大件, 佔了巨型大碟的三分二, 伴以薯蓉和脆綠的苦菊(Frisee), 還有分開盛上的燒汁, 急不及待拿起手術刀.... 鋸齒非常鋒利的小鋼刀, 由邊位輕力但快速的一拖, 切出了一件長型"牛肉條", 表面煎得焦啡香口, 內裡呈淡粉紅色肉質, 入口.... 唔唔...咽咽..., 味道濃郁, 口感嫩滑.... 另一款主菜: 德國豬手, 上檯前已經為我們切開, 一條大骨完好保留在木板上, 其餘的肉切成容易入口的大小. 驟眼看, 與中式燒肉差不多, 外層燒得啡黃色, "粗沙紙"般的脆皮, 中層脂肪和彈牙的筋肉, 底層醃過的全瘦鹹肉, 與專賣德國菜的餐廳不遑多讓. 燒豬最佳配搭醬料: 中式黃芥辣, 當然, 英式黃芥辣也無防, 但一定不要法式芥辣! 我承認: 我係歧視法式芥辣..... 德國式燒豬手, 皮脆之餘帶微微煙韌, 皮下層看似是肥膏, 但其實是半肥半筋狀的肉質, 非常有嚼勁, 底層鹹肉部份不宜單獨吃, 尤其是大大舊的鹹肉, 最好是伴薯蓉或酸菜來吃, 可減低濃鹹的口味. 有無聽過"蜜豬"??? ...此店豬手, 原來還有另一種食法: 蜜糖醬. 豬手味鹹, 蜜糖香甜, 兩者完全對立的味道, 加在一起, 創出好奇異的感覺, 是哲學上的對立而統一? .... 脆口燒豬皮, 配上蜜糖醬, 有意想不到的效果, 好正! 檸檬芝士餅, 味道比想像中淡, 但香氣十足, 軟滑冰涼, 咬落似硬又像軟, 好舒服, 好爽.....
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$250.00
| 商店 | Home Bar And Restaurant |