|
機械式集團食物
|
|
oasiswong
2015-07-06
291
0
|
分享
收藏
下午五時半, 未到晚飯時間, 只安排坐入最內的位置, 坐位不算窄, 但檯與檯接近, 食得不太舒適. 對集團式經營的餐廳不存太大其望, 這間集團的出品其實已經不錯, 但那些機械複製式食物, 全都是靠賣相, 得個樣, 搵食時肯定不是個人首選, 但友人鍾情外表多於內在, 一餐半餐, Okay啦.... 香辣肉碎炒泰式金邊粉 ($70). 賣相整理過, 學人家高檔西餐, 用調味汁劃一度書法在碟邊, 增加美感. 炒金邊粉的配料份量十足, 青豆、豆角、車哩茄、洋蔥、紅椒、肉粒、香草, 炒得也算香口, 金邊粉有微微的燶邊. 味道偏甜, 合我胃口, 不合友人, 整體合格以上, 我給60分. 脆皮豬手配香葉辣椒炒飯 ($90). 賣相與炒金邊粉一樣, 又是同一招數, 調味汁書法一筆. 切成三件份量不少的豬手放飯面, 豬手皮脆度九成, 邊位豬皮地方未烘得夠脆, 咬落有些少韌. 肉質有鹹豬手的厚實, 紅紅的肉色, 入口比想像中要淡, 屬心水味道. 炒飯一般, 得個樣, 尚且粒粒無一舊舊, 但不太乾身, 炒飯用的配料與炒金邊粉的一模一樣, 可謂方便到極. 凍泡沫咖啡 ($36). 泡沫部份不合格, 打泡程度差, 不知是牛奶質素 還是打泡過程求其, 十分稀的口感, 完全無牛奶滑流的質感. 咖啡都是淡淡味道, 這杯比一般茶記還差的凍啡, 十分失望. 食物整體上比想像中要好, 處於中高檔商場佈, 價錢也不算貴, 對此店有些少改觀.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$150.00
| 商店 | So Thai So Good (尖沙咀店) |