|
笑臉 ...給店員的...
|
|
oasiswong
2015-05-06
247
0
|
分享
收藏
諾士佛臺, 有說似九龍的蘭桂坊. 我覺得差好遠囉…., 畢竟遊客比例太多. 近來的西餐選擇, 尖沙咀區, 兩個地方: 諾士佛臺 或 尖沙咀東 (尖沙咀中心和帝國中心). 兩者比較, 我較喜歡尖東, 尤其是向海的幾間餐廳, 可以一邊食飯, 一邊望向尖東海旁, 心情舒暢. 諾士佛臺, 又噪又窄, 人多到爆, 頭都暈. 今天相約老友發噏風, 方便辦公, 就一就, 諾士佛臺啦. 行一圈, 揀來揀去, 都係揀個半好不爛的橙, 咿呀… 咁又未至於中伏, 但與期望唔太接近, 些少失望. 講明: “笑評”係比侍應, 此店不論男女, 服務員好有禮貌, 態度親切有善, 就算食物唔太合口味, 正所謂人心肉做, 服務水準都值D錢. 網上假評滿天飛, 起碼我無講大話…唔唔…. 入店之時, 還是Happy Hour, House Red 只係$38 (好似, 太黑, 睇唔清楚), Sparkling wine $45. 全部不知名. 但味道唔差, House Red, 有果味, 咩嘢果?? 生果!!! …. Sparkling wine, 清新, 味香, 喜歡看泡泡, 後來再叫多一杯. Linguine Vongole, Clams and bell peppers with white wine sauce, 白洒蜆肉扁意粉, $118. 上檯, 賣相真係了得, 把蜆殼放得齊齊的, 排在碟邊, 中間放置炒好的意粉. 但份量少得可憐, 相信兩啖食完(真係一啖, 然後再一啖, 完喇…陰功…). 蜆肉反而都多, 但味道做得太淡, 扁意粉水準不錯, 口感尚好. Pulled Pork Poutine, Melted cheddar Cheese and BBQ sauce, 手撕豬肉濃汁芝士薯條, $108. 好似係推介食品, 幾特別, 類似韓式芝士排骨, 只不過換了”手撕豬肉”, 底下薯條. Cheddar Cheese唔似食開的味道, 味道濃和偏鹹, 可能再煮時再加了調味, 無論如何, 味道和口感都唔差. 手撕豬肉其實即係煲湯瘦肉, 撕開後炒過, 都幾好味吖. 放底下的薯條, 屬幼身麥記款式的薯條, 已經淋了, 微暖, 呀…呀….都可以啦… Buffalo Chicken Wings, 水牛城辣雞翼, $98, 五隻雞中翼, 成為九十八元, 加埋一便過百. 我想講…真係好好好 特別…特別到…下次未必叫….哈哈… Bailey’s & Coffee Cheese Cake, $78, 擺得好靚, 小四方型的蛋糕, 再加上圓型的白湯匙的咖啡酒, 用果醬汁拉出了不規則的紅圓圈. 咖啡芝士蛋糕, 甜度適中, 伴以Bailey’s irish cream coffee 做的汁, 好味. 啫啫啫….今晚最好味就係呢個喇…sosad…
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$300.00
| 商店 | Assembly |