|
終於搵到 無試食食評
|
|
oasiswong
2015-05-11
243
0
|
分享
收藏
唔好以為有競爭, 消費者真係好多選擇, 競爭可能都係假像. 諾士佛台的餐廳, 大部份都屬同兩、三間集團, 就好似砵蘭街的磁磚店, 又或是旺角的波鞋街, 深水埗的電子零件鋪都係一樣, 一間公司擁有多間不同名號的店鋪. 友人想食泰國菜, 上網找一找, 尖沙咀近期幾間的泰國餐廳, 好評如潮, 但其實….哈哈哈哈……用大陸的術語: 「….你懂的…」. 以前, ”試食”的食評會寫明清楚, 但近年改了遊戲規則, 睇得多, 你便可以判斷是真是假….. 哈哈… 希望唔會被編輯彈回頭….... 終於搵到一間, 無”試食”食評(起碼最近期的十編都非”試食”食評, 之前的, 則無研究了), 時間已經晚上八時. 在諾士佛台, 近美麗華的一邊的大廈樓上一樓. SANTA MIA, Cabernet Sauvignon, Chile, $58, 餐牌, 杯裝的House Red, 只供應三款, , 全都是New world, 其中一款係Merlot, 但Merlot唔貴唔得, 唔敢試. 而Cab, 大路嘢, 應該唔會差, 上網上查一查味道, 大概港幣百元左右, 網上評: “Cabs from Chile have an elegance and earn great respect due to the complexity and diversity of characteristics.” 哈哈…好勁, 講咗都唔知點可以試得出…, High tannins?? 唔多覺, 反而入口單寧不重. 另, Strong red and black fruit-forward characteristics?? 有些少吧, 但飲一啖, 食一口咖哩, 咩嘢餘味都消失得無形無踪…哎呀…. 友人專家式口吻: 酒色深邃, 有著紅漿果與草莓的混合香氣, 口感柔滑細緻, 柔滑的丹寧與果香平衡的恰到好處, 可口怡人….. 哈哈…我答佢: “你係得既, 如果你寫食評, 次次都會入選編輯推介…哈哈..” 友人的Mango Lassi, $45, 佢話唔係印度餐廳既口味, 唔酸, 但佢好喜歡, 想叫多一杯添… Thai Pomelo Salad with Shirmp, $88, 柚子蝦沙律, Menu上: Fish oil, Lime juice, Sugar, Chili Paste, 入口…. 鹹度足, 酸度也十足, 糖, 太多, 甜過頭, 辣椒醬味, 太少, 唔覺有辣味. 蝦仁, 尚可, 中細型, 彈牙, 蝦味??? 你估食白勺蝦呀!…. 哈哈.. Deep Fried Shrimp Cades (4Pcs), $78, 正常, 剛炸起, 當然夠熱, 蝦膠肉質做得彈口, 外表脆粉做得也夠薄夠脆. 青咖哩雞, $108, 泰式餐廳的咖哩雞, 並非用有骨雞件, 而是用一條條的雞柳, 是正常不過, 但我唔喜歡, 也是十分正常吧….. 而另外, 青咖哩根本不是青綠色, 到底是否正常?? 咿呀…..無論如何, 這碟”青”咖哩, 我們都好滿意, 辣度, 鹹度, 杰度 和配料, 都做得好好, 想加多一碗白飯添呀… Naan, $25, 與正式印度餐廳出品的差不多, 唯一略遜, 是未有印式做得那麼厚身, 味道淡淡, 口感半煙韌, 烘得夠香口, “燶”度足. Roti Canai, $32, 一塊, 貴了些….寫著Malaysian Style, 類似油酥餅, 但沒有印度式油酥餅那種千層式口感, 只一塊厚厚的十分油面的烤餅樣子, 無論如何, 味道與口感, 仍算滿意. 臨走時, 又見到這個盒, 之前係印度餐廳, 看見印度人食完餐離開時, 都會打開盒, 用手拿些少 放入口. 個個都係咁, 好似唔多衛生, 覺得神奇, 心諗…到底咩鬼嘢..?? 今次問店員, 原來是用來除去咖哩味的”mouth freshener”. 佢叫我試吓喎….哦嘎 ....
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$250.00
| 商店 | Spice Restaurant & Bar |