快D買部咖啡機啦... SeeWide

假期日, 遲起床是常識吧… 好想食All Day Breakfast!!! 之前係德民街行車路大街, 在Towngas隔離, 有一間食All Day Breakfast, 價錢唔貴, 只係七十元, 但已經關門大吉. 現在開了一間新店在內街, 門口看餐牌, 有All Day Breakfast, 但沒有寫價錢, 第一印象已經唔太好.
Asobu Bistro的相片 - 紅磡)

入內, 店員遞上餐牌, 只有飯餐, 價錢大概七、八十元, 主力出品是熔岩蛋飯, 搵唔到我最想食的All Day Breakfast.
Asobu Bistro的相片 - 紅磡)

發現原來只在牆上寫著, 有兩款”All Day Breakfast”, 分別是熔岩蛋的$118和普通炒蛋的$108, 心諗: 既然出名的是”熔岩蛋”, 就揀你”最洒家”的提議吧.
Asobu Bistro的相片 - 紅磡)

友人要了吉列豬扒熔岩蛋包飯, 兩款餐都包了一杯飲品, All Day Breakfast特別包了一杯特飲, 而蛋包飯餐, 就配了一杯咖啡. 先來了咖啡, 看到, 布些少失望, 作為供應西式All Day Breakfast的店, 幾唔願意, 平平地, 我估都要買翻部咖啡機囉, 有咩嘢理由用即沖咖啡架!?!? 無晒心機了…
Asobu Bistro的相片 - 紅磡)

另一杯特飲, 以特色杯裝上, 入口, 有些少橙汁味, 又有些少其他生果味, 真係唔肯定係咩嘢材料, 但味道不差, 幾好飲, 只是份量其實好少, 因為超多冰塊.
Asobu Bistro的相片 - 紅磡)

吉列豬扒熔岩蛋包飯, $78 上台, 其實….唔算係蛋”包”飯, 因為根本唔係用蛋”包住”白飯. 吉列豬扒的外層脆粉, 顏色已經變得很深, 豬扒薄身, 加上炸得過火, 食落, 太乾和鞋口. 熔岩蛋做得出色, 用匙更攪開, 煮得大約六成半熟, 蛋汁從中流出. 入口, 好滑, 好好味.
Asobu Bistro的相片 - 紅磡)

白飯也加入了一些雜菜一起煮, 味道也好, 然而, 白飯本身做得未算好, 珍珠米的外型(唔肯定是否珍珠米, 因為沒有珍珠米的韌度), 雖未致於太淋和太軟, 但看見米尖有爛角. 另外, 重點的咖哩味道…哦…飯餐價格唔算貴, 唔好太醃尖了….我認為: 應該好啱小朋友囉…哈哈
Asobu Bistro的相片 - 紅磡)

Asobu Combo (All Day Breakfast), $118, 覺得價格定得略高, 這是尖沙咀的價格. 配熔岩流心蛋, 望落, 也算豐富. 餐牌上寫的沙律, 應該是車哩茄和幾塊羅馬菜吧. 普通白多士, 一塊切開三角, 一邊烘得燶, 一邊烘得不足. 中間一小兜茄汁豆, 熱的, 有誠意. 薯角, 微熱暖身, 滿意. 煙肉, 煎/炸的燶度, 十分合我心水 (但友人話太燶). 兩條香腸, 幼身的一條, 肉質煙韌彈牙, 粗身的一條, 類似維也納腸, 十分淋身, 一咬即散開, 不知是甚麼名堂的香腸, 一點也不好吃. 熔岩蛋, 與飯餐所供應的一模一樣, 好滿意, 為了這件蛋, 我會再嚟幫襯.
Asobu Bistro的相片 - 紅磡)

服務好, 店員有禮, 態度友善. 考慮這區和此店的價格 (只考慮我最鍾意食的All Day Breakfast, 我並不關心飯餐), 加上只有即沖咖啡, 暫時只可以給予”合格”, 希望店主快D買翻部咖啡機… 下次一定比個"Good"!

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================

~END~

人均 $98.00

商店	Asobu Bistro


抱歉，發生點錯誤。重新載入


(0)	(0)	(0)