|
乞兒客人之道
|
|
oasiswong
2015-01-27
403
0
|
分享
收藏
| 睇完網上潮文”澳牛的黃昏” (非常長的文章, 我會選它為2014年最佳食家潮文, 雖然可能與食物沒有大家關係…), 突然好懷念呢間”視客人為乞兒嘅待客之道”既名店. 於是專登, 早一站落車, 食翻個”茶餐”, 才與友人食晚飯… 唔好誤會, 其實, 我係佐敦長大, 點會無食過”澳牛”, 由細到大, 食過不知幾百次, 到大過仔, 搬離開佐敦後, 就少幫襯了. 真係今時唔同往日, “潮文”都已經講咗, 你一心想去”澳牛”受氣, 誰知時代不同, 自由行當旺, 人家今天睇錢, 收錢和侍應的都不時把”多謝”和”唔該”掛在口, 你想感受一吓我當年的受過情懷, 已經如如逝去的流水, 沒有了…… 記得數年之前, 有位外國回流的朋友, 請教我, 去澳牛食茶餐的禮儀..(係…你無聽錯, 食澳牛, 係有基本禮儀要知的, 否則, 你會被侍應”得”到你一面屁…). 如事者, 我為朋友上了一課”澳牛”落單要訣.(當時, 數年前, 還未如今天的排隊情景, 只要入內, 侍應便會安排你有位坐, 就算無位時, 侍應都會叫你係另一位食緊茶餐的食客後面, 通常佢都尚未食完, 可能飲緊杯餐茶, 然後大大聲講:”呢度啦, 佢食完, 就走架喇…(真係想坐多陣都唔敢…), 我教佢, 入去, 坐低, 唔好問侍應問題(你這是找死 - “澳牛天地內，絕不容許思考與發問”), 落單要訣: “茶餐, 义燒意粉, 炒蛋多士”, 千企唔好諗住叫埋”餐茶” (係澳牛食茶餐, 唔好惘想可以飲淡奶茶先食嘢), 否則又係比侍應”得”你一句:”無位放, 等陣先叫啦…!” 我這位外地回流的友人, 把要訣記熟後, 當日戰戰兢兢地入去, 坐低(心裡諗住..可以扮熟架部的熟客..), 侍應走到面前, 於是落單講: “茶餐”….(侍應無反應)…於是繼續講: “义..燒通”…(侍應都係無反應)… 於是又繼續講:”炒蛋…”, 友人覺得唔對路, 唔知侍應係未聽到, 於是再說:”炒蛋”兩次….., 這次..侍應有反應了, “得”了他一句:”你講咗3次炒蛋喇!! 到底要多士定麵包呀?!?!?!” 佢講翻出嚟, 真係..笑到有腹肌… 相反地, 睇完編文, 心諗食物質素下降了?? 又不是喎, 今日呢餐好滿意吖… 义燒意粉, 义燒只有三、兩片, 就預咗架啦, 要多义燒?? 你去隔離街既茶記啦. 意粉唔淋, 仍算彈口, 湯又夠熱, 最滿意係胡椒粉, 夠味夠辣. 炒蛋, 又係水準以上, 半濕狀態, 夠熱, 夠滑, 當然也都夠油… 火腿兩小片, 入貨個喎.. 無嘢好評. 多士, 都OK吖, 係就唔算烘得夠香口夠燶, 但入口都算皮脆內軟, 唔差喎..
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$38.00
| 商店 | 澳洲牛奶公司 |