|
發達....一點也不難
|
|
oasiswong
2015-02-27
471
0
|
分享
收藏
香港真係無奇不有, 熱狗店, 重唔係平價既熱狗店, 連Topping醬料費, 要$35-$38一隻熱狗, 竟然可以排長龍…. 咁好嘢… 無理由唔試吓啩…. 要排隊 一定唔好攪我, 我話知你好食到識飛, 總之要排長龍….的, 就一定未攪. 但今晚, 九點幾, 臨近收工, 只有幾個客在街外等攞製成品, 有機會試一試了. 選了紐倫堡腸, $25, 加上熱熔芝士, $10, 總數為$35. 等的時間比想像中長, 差不多15分鐘, 都唔算多人吖, 如果平日下午時間, 條人龍去到幾間鋪後… 嘩… 未要等好耐??? 15分鐘後, 終於取得製成品, 打開盒, 賣相果然吸引, 一吓熱氣, 聞到, 見到, 已經好想食. 一口咬入, 芝士味道未算太濃, 熱溶程度並非想像的模樣, 比想像中, 有如芝士岩漿般的Creamy還有一段距離, 然而, 入口仍然滿意, 芝士軟度和韌度都好. 但要食得快一點, 因為食到最後, 因冷卻關係, 芝士岩漿已漸漸變成芝士岩石了. 紐倫堡腸入口, 沒有想像中的韌度, 比較淋身. 無論如何, 整體仍算美味可口. 幫襯之餘, 最喜歡觀察食店內的家俬和裝潢, 冷氣機是平價的強國格力(Gree), 收錢櫃位是IKEA的可摺木檯, 收銀機只放上面, 加一張家庭式電腦座椅. 而終於發現等得耐的原因, 就是每每要把熱狗放入微波爐內叮一叮, 相信店主在開店之初, 也估不到有咁好生意, 香港要發達, 真係…都唔算好難啫.…相信好快會開分店了….哈哈....
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$35.00
| 商店 | ICONIC H (紅磡店) |