出了名的大排檔 SeeWide

兩間大排檔拍在一起, 一間”增輝”, 另一間”小菜王”, 這兩間在深水埗區, 無”容記”咁出名, 但生意絕不差於”容記”, 尤其是”容記”出了名後, 其食物和服務水準不及之前, 不過聲明在先, 我已經有幾年無去過, 對上一次去”容記”, 都要數到2009年, 哈哈… 出咗名既名店…. 唔好預我, 又要排隊, 又要食得快, 又要受氣…. 而”增輝”和”小菜王”這兩間, “增輝”又比較出名, 還記得數年前, 電視節目已經看到曾志偉介紹”增輝”. 咁…. 當然就…..
增煇大排檔 & 增煇藝廚的相片 - 深水埗)

坐低, 老友問侍應: “有咩嘢好介紹?”, 我即刻望一望侍應, 又望一望老友, 心諗….. 大佬呀…嚟大排檔, 使鬼人介紹咩, 見餐牌咩嘢啱食就叫啦…哈哈… 侍應答老友話:”蒸筍殼… 三百零蚊…” 老友即時O了咀….哈哈….兩個都係傻佬….
增煇大排檔 & 增煇藝廚的相片 - 深水埗)

加士伯, 大枝裝, 才$23, 超抵, 又夠凍.
增煇大排檔 & 增煇藝廚的相片 - 深水埗)

啫啫田雞煲, 配料夠多, 味道可以, 但欠了一點兒煲氣. 配菜: 豬潤, 略為硬一點, 蔥頭, 好爽口, 夠入味, 還有些菇類, 夠彈牙….. 噢…. 田雞呢… 哈哈… 都可以過得去啦, 田雞肉比較少, 田雞的脾部份最好食, 可惜只有兩三小件.
增煇大排檔 & 增煇藝廚的相片 - 深水埗)

東玻肉, 一細件裝, 最少要兩件, 上檯賣相好, 還有兩件西蘭花伴碟, 可是口感與味道都未盡完美(嗱….未盡完美咋, 唔係唔好食呀, 唔好屈我呀), 口感唔屬於那種入口即刻溶溶地既感覺, 味道又唔覺係那種好濃濃醇厚的紅燒肉味, 而醬汁又唔似那種稠濃的杰杰口感, 總之就係…樣樣都差一點點啦….
增煇大排檔 & 增煇藝廚的相片 - 深水埗)

老友後加, 不知名的魷魚菜式, 上檯還未知道是熱還是暖, 一入口, 吓….原來是冷盤. 然而, 醬汁都做得不錯, 些少咖哩味道, 我估, 如果是熱盤, 味道更好.

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================

~END~

人均 $150.00

商店	增煇大排檔 & 增煇藝廚


抱歉，發生點錯誤。重新載入


(0)	(0)	(0)