|
酒店的定價難題
|
|
oasiswong
2015-01-15
255
0
|
分享
收藏
| 網上食評, 真假不難分別, 尤其是店主搵自己友寫的食評, 通常很易辨認. 但是, 對於被邀請去試食會的食評, 尤其是免費或特價超優惠式等等? 真係少些”道行”, 都睇唔通透…. 通常, 一般以為只睇食家便可分別好壞?? 絕對不可能, 有人免費請你食, 就算食物差極, 禮貌上, 你都唔好意思唱人地吧, 所以並不能準確. 當然, 最好睇埋食家其他食評, 判斷準確度才可更高….哈哈… 我講到一舊舊… 聽唔明…係好合理既… 哈哈哈.. 約了朋友在油麻地, 放工前, 上網睇睇, 有無新介紹, 就比我見到呢間, 約量看過一吓, 只要唔係劣評多過好評, 縱使係得評語唔多, 我都樂意試一試, 尤其係價錢不是太貴, 更加無所謂… 坐下後, 先送上小食一客, 蝦片, 夠脆, 有誠意. 一位較高級的店員問我們吃不吃辣, 想介紹菜式, 然而, 因我們想先研究一下餐牌(通常會睇好耐), 才慢慢決定食甚麼, 於是推卻了他. 事後, 我也感到自己好像不太禮貌, 總應該讓人家介紹一下, 才研究也不遲吧… 青咖哩牛肉片, $148, 餐牌上印著三隻辣椒, 友人不好太辣, 一位十分有禮貌的年青侍應為我們落單, 說可以調教低辣度. 上檯, 辣度適中, 而青咖哩味道不夠濃, 但加入了足夠的棷汁, 好過街外很多泰式店, 牛肉也沒有醃得過火, 有原始牛肉的纖維口感. 食咖哩, 少不了 薄餅和白飯, 另外的一碗白飯, $18, 量足, 但價值與質素不成正比, 不熱, 只暖, 鬆散, 又有一舊舊的狀態. 薄餅, Roti Prata, $28, 質感略硬, 熱度足, 鬆軟度合格, 烘得燶度也十分好. 泰式海南雞飯, 餐牌上寫 (去骨, 半隻), $158, 屬餐牌上的推薦菜式, 餐牌上寫明半隻, 份量的確多, 但… 是否有半隻…有疑惑. 起碼沒有了雞翼和雞背脊部份, 其實提議, 不如不要印”半隻”還好. 雞的肉質不錯, 嫩滑度可給七十分, 但雞味就(畢竟新開業..形容已經留手了…), 跟餐的油飯, 有一舊舊狀態, 但未算差, 希望廚房留意. 海南雞飯的三色醬, 除了甜醬油的杰度合格外(但味道不夠濃), 其他的都做得不足. 薑溶用攪拌機攪出 (收得高價, 勞煩唔好太懶). 紅醬, 不辣不酸不甜. 海南雞飯與一般切雞飯的分別, 當然最重要是該三種醬汁, 稱得上是招牌菜, 勞煩去出名名店參考人家一卟吧. 跟餐的白菜雞湯, 淡口, 不似有濃烈的味精, 合我心水, 好飲. 生啤, Singha, 1 pint, $55, 啤酒可以收酒店價格, 唯一覺得定價合理和十分滿意的貨品. 晚餐時段，1-4位, 有75折優惠, 而且更奉送生蝦刺身一客 (如圖, 兩人, 便有兩客), 這食肆在酒店內, 定價高是常識. 但如果作為店老闆, 其必須要自問一吓, 到底你的最大目標顧客是”住酒店的客人”? 還是街外人? (就如香港的酒店自助餐, 其主要目標顧客, 都不是酒店住客一樣, 所以其定價都是以街客為考慮目標) 當然, 如果目標客是”住酒店的遊客”, 那如此價格配現成質素, 沒問題的, 經濟學原則, “出外的遊客”的消費行為, 通常都比較疏爽, 對食物的要求也會降低一些. 但如果店老闆是打算攻本地客, 則定價或食物其中一樣, 必須要作些改變. 今次有特價餐卷, 我會來幫襯, 試一試新嘢, 但如果沒有特價的話, 比這價格便宜和質量好的泰菜, 多如沙數…… 況且, 就算有特價餐卷, 市場上的泰國菜實在太多了, 就彌敦道對面, 近文明里街口的另一間小型酒店隔離, 也有一間相類似的選擇, 而且便宜了很多. 見開業不久, 食物質素也不算差, 比個GOOD做鼓勵吧!
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$220.00
| 商店 | Amazing |