|
酸種是我最愛
|
|
oasiswong
2015-09-10
705
1
|
分享
收藏
Passion 係葵芳開新店, 真係天大喜訊, 係灣仔工作時, 蛇出去下午茶, 每星期都去三、四次, 最愛她的 Traditionelle Sour Dough, 超長時間 fermentation, 那種麥香, 暫時未搵到其他麵包店可與其媲美. 長方型的裝修格局, 打橫, 一系列玻璃櫃台, 食物分區整齊. 一邊向街, 落地大型十字間玻璃窗, 光線射入室內, 好光猛, 精神為之一振, 個腦都醒一醒! 包裝麵包區域, 普通貨色, 雖然比起一般麵包店, 已經是高幾級, 但都只屬 CitySuper 或 GREAT 水平, 唔太合心意, 有得揀, 一定揀"sour Dough". Sour Dough 麵包區域 才是我的最愛, 但今天.... 等等先, 唔酸住..., 午餐時段, 與"她們"無緣. 先介紹一吓這款 Passion Traditionelle (淡酸種麵包), Pain au Levain 形狀, 30% Sour Dough, 長達48小時的 fermentation, 味道香, 皮脆, 鬆軟, 那種軟身但又有絕佳的韌度, 絕不是 日本麵包 那種 綿花糖式口感 可比. 我的第二最愛: Dark Rye Sour Dough Bread (黑麥酸種麵包), 石燒方式, 雖比起以上 Passion Traditionelle 的48小時, 這款只是24小時, 但用黑麥, 味道帶微微的酸澀黑麥香, 一邊吃, 一邊飲微甜的白酒. 一流! 此店的Sour Dough 是我吃過最好的! 先揀三文治, 玻璃櫃放滿不同麵包、不同餡料的各式各樣三文治. 今天想食芝士... 看中了 Smoked Salmon & Brie Sandwich 煙三文魚布里芝士. Smoked Salmon & Brie Sandwich ($61), 用煙三文魚做餡, 不同於雞、牛、豬肉三文治, 不需烘得太長時間, 畢竟, 煙三文魚不適合烘得太熱, 最好只用熨板壓兩分鐘, 看到麵包上輕輕的壓紋, 出現微微的焦燶便可. 軟芝士 Brie 和 Camembert 都是我的喜愛, 一般三文治用的貨色, 兩者分別不大. Brie 芝士的質感柔軟, 口感濃郁, 奶味略高. 煙三文魚, 有香草鮮味, 鹹味中等, 配麵包剛好, 加一些典型捲鬚沙律菜 Frisee, 口感清爽微苦, 整體味道豐富. 沙律區域, 顏色亮麗, 七彩賓紛, 猶疑不決, 在"Tomato & Mozzarella" 和 "Bounty of Eden" 之間, 我選擇了 有幻想 的名字: 伊甸園. 一款味道未夠, 再揀, 店員知我患有一般香港人都有的"選擇困難綜合症", 於是一手指著這款 Californian Pasta 說: "這款...最多人讚好味喎!"... 把我從大千世界中拉了回..., 舒了一口氣... 攪咗十多分鐘, 揀老婆一樣的心情, 最後沙律三拼: Bounty of Eden, Californian Pasta, 和 Royal Potato. 那份Californian Pasta 真真好嘢, Conchiglie 煮得彈牙, 雞肉夠多, Béchamel sauce 好滑. Bounty of Eden 的蔬瓜, 青脆爽口. Royal Potato 質感鬆軟, 正好補充沙律中的澱粉質部份. 法蘭西人真係無得頂...! 不單只是名牌手袋可以風麾萬千OL, 連煮餸煲都可以賣到開巷, 真係要寫個"服"字... 近年使香港"C9"瘋狂掃貨 的 Casseroles (搪瓷鑄鐵鍋), 每次法國老牌Le Creuset 大減價, 必定大排長龍. 此店也順應民意, 推出一系列的"Old Fashion French Casseroles", 之前食過 Coq au Vin 和 Slow Cooked Beef, 今天無論如何都要試一試 Baby Pork Shank 了. BBQ Baby Pork Shank ($112), 豬仔脾先放焗爐烤過, 放入搪瓷鐵鍋, 用醬汁慢火煮, 上檯時超熱, 仍然看到上升的縷縷輕煙, 另有兩塊脆皮麵包跟餐. 豬仔脾, 中間一條大骨, 用叉食不太方便, 最好用手揸著骨尾, 一口便可以嘶下一邊的肉, 肉質軟熟之餘, 在貼骨頂位置, 有筋狀的肉, 帶些少韌度, 好有嚼勁. 醬汁內有青豆、紅蘿蔔、洋蔥和薯仔, 紅蘿蔔炆得好淋好入味, 麵包蘸醬汁, 加些紅蘿蔔和洋蔥夾著吃, 一流. 甜食區, 實在太多品種, 目不暇給, 之前食過幾次蛋糕, 今天要轉一轉口味. Cup Cake 的玻璃櫃, 存貨量好似唔多喎, 唔知係未太好賣...? 就要一款: Caffe on Chocolate. Milles Feuilles 又一專櫃, 層層疊疊的法式千層酥, 好吸引, 樣子好靚, 來多一款: Raspberry Mille Feuille. Passion Cup Cake - Caffe on Chocolate ($31). 單是賣相, 已經無得輸! Cup Cake 通常是用 Buttercream(奶油), 與一般食開的蛋糕所用的 Whipped Cream(打發忌廉)不同, 口感較實和硬. 杯裝蛋糕底芯, 上面先圍一個白奶油幻油小圈, 鋪上一件朱古力大啡圓形奶油, 放上一片超薄朱古力片, 再鋪一層較細的朱古力奶油, 最上面放一粒杏仁.....靚到咁, 點捨得食!? 潮..... 得根本不是用來食的... 買嚟氹女仔...最啱.... 哈哈.. Raspberry Mille Feuille ($43), 紅莓千層酥, 可能夏天不是士多啤梨季節, 所以此店用紅莓代替最常用的士多啤梨 為核心餡料. 賣相又是絕頂美觀, 三層脆酥, 夾著兩層紅莓, 還有以朱古力粉作為點綴裝飾的音樂符號..., 攞起枝叉, 也不知從何入手.... 最後決定, 逐層吃, 先食第一層薄片脆酥, 然後是紅莓和軟滑忌廉, 紅莓新鮮, 雖然酸味和甜味都不及士多啤梨, 但口感絕對比士多啤梨優勝, 整體味道配合得宜. 豐富的午餐, 點少得一杯咖啡結尾!? 今次不是法國貨了, 是全世界最大咖啡供應商之一的義大行名牌: illy. 我選了"拿鐵", 一直都喜歡這個台灣翻譯, 實在太有動感, Latte.. 拿鐵...拿鐵... 要好用力哦.... 店員在鮮奶上拉了一個心型圖案, 送了一件自家製的薄脆果仁曲奇. 友人要了一杯的"卡布奇諾", 灑了一個"音樂符號朱古力粉, 同樣有一件薄脆果仁曲奇. 義大利文 Cappuccino 的翻譯, 便沒有"拿鐵"譯得那麼力量澎湃了, 早期去台灣, 在書本睇到這個翻譯, 還以為是甚麼卡通公仔.... Cappuccino 的名字 比 Latte 更早便傳到香港, 風靡萬千香港中產(當然包括我這類"假中產"...以消費學而言, 你是真或假的中產 實在不太重要, 最重要的是, 只要你以為自己是, 便會作出中產的消費行為....就可以賺你錢了...), 其實義大利人根本不會在飯後飲這些奶類咖啡, 反而是一杯超濃的Espresso, 因為義大利人認為飽後一杯放了大量牛奶的咖啡, 會增加胃部負擔, 極不健康. 臨離開時, 打算買最愛的"香橙朱古力蛋糕", 誰知原來已經不再生產, 由另一款"紅莓檸檬蛋糕"取代.... 吓...!!!!! ..天呀...!!! 我要"香橙朱古力"呀!!!! Gérard Dubois 老闆大人呀.... 求你出翻"香橙朱古力"啦... 無得食...唔電囉....!! 攪到我要回家尋寶, 從電腦搵翻出嚟, 就係呢件喇, 唔好停產呀...!!!
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$250.00
| 商店 | Passion by Gerard Dubois (葵芳店) |