3 SEPTEMBER 2015(THU)

今日突然多左一天假期，原本都打算去玩，但剛剛開學又唔想玩到"創"晒，所以都係乖乖地留係屋企。

不過，因為小小豬一句話，我地就去左食韓燒啦~

其實，原本我地係打算晚餐先嚟食，不過我地研究過食嘅嘢都係一樣，但食午餐同晚餐個價錢都差幾遠，所以都係決定去食自助午餐啦！

哈哈哈...以自助餐嚟講，肉食都幾多種類哦~

仲有啲冷盤，啲大豆芽同青瓜都幾吸引，我地食左好多添~

仲有啲熱食同湯，不過麻麻地~

有好多唔同嘅甜品，不過.......真係冇乜興趣呢~

最好就係飲品任飲，雖然冇可樂依啲大品牌，不過都嗰款蘋果汁都幾好飲呀~

小小豬已經急不及待去拎嘢食啦~

之後就話要做大廚煮嘢俾我地食啦~

唔好睇少我地嘅豬大廚，佢都燒得幾靚哦~

來來回回又出去拎嘢食，又返去燒嘢食，小小豬都不知幾興奮，不停係度大笑，全場最嘈嗰個一定係佢呀！

原來店內都有雪糕，食埋杯雪糕，真係滿足晒啦~

以生肉類嚟講，其實啲肉都唔錯，都算幾新鮮。而且廚房都出得好快，一見冇晒嗰啲肉類都回得好快。

不過熟食及甜品方面又真係麻麻地，睇落都好似擺左好耐咁，完全唔吸引呀！