中菜(粵菜)是我的最愛，亦最常吃，唯獨很少刻意去寫食評，皆因覺得"冇乜好寫"，因為不論食店本身，到菜色方面，都是幾好卻未到好好，賣相又不吸引。而走新派路線的中菜，則只有gimmick，失去中菜精髓。

盈福小廚光猛，還有卡位，是乾淨版茶餐廳格局。menu都幾清楚，不會有"坐低食完先知時價貴到食左份糧"。今天老公拍板！因為我本身已食了下午tea不太餓。

第一道菜是露筍松子仁炒虎蝦，露筍在中菜來說都幾新鮮！西餐多是伴菜只得一兩粒實在不夠喉！今次可謂吃個夠！好多松子仁，口感好之餘仲好好味！虎蝦四大隻，爽口彈牙。我覺得這一味是超水準之作！

蒜香牛柳粒去到邊都係必叫之選，這裡都幾有大排檔風味，極有獲氣，又有賣相，加碗飯，夠晒飽。

但老公叫了一個招牌炒飯和我share食，好大碟，夠四個人食…飯粒炒得粒粒甘香，鬆散不xx糊。招牌炒飯有什麼料？其實有些頭頭尾尾的燒鴨切雞肉…所以飯肉隱藏了碎骨。我個人並不推介這個炒飯，因為都不算便宜。

想食中菜又怕女朋友/老婆/小朋友不喜歡環境嘈吵污糟，不防考慮一下盈福小廚。份量全部都適合四人家庭享用，這一點要注意啊，別點多了浪費食物！

盈福小廚
銅鑼灣銅鑼灣蘭芳道5號地下 ／／ 2697 7317
openrice: http://www.openrice.com/zh/hongkong/restaurant/%E9%8A%85%E9%91%BC%E7%81%A3-%E7%9B%88%E7%A6%8F%E5%B0%8F%E5%BB%9A/450471?s=3

**產品/產品資料由品牌提供﹐真心分享﹐但畢竟大家DNA不同﹐效果因人而異。歡迎電郵查詢 :)

找我﹖ngayiellie@gmail.com
https://www.facebook.com/popcornellie
http://instagram.com/popcorn_ellie