一路都知道盛八食堂係以食蛋包飯出名既 ，價錢又唔算貴。而他剛好又喜愛食蛋包飯，所以呢日黎銅鑼灣睇戲就順便試試嚕。

6點半去到只得兩三檯客(不過一到八點就好滿)，我們被安排坐係四人檯，感覺鬆動少少。檯面上連鹽樽都係雞蛋黎，好可愛呢。餐廳環境裝潢得簡約舒適，很喜歡地版個圖案，感覺同小妹對鞋頗襯呢。

望望餐廳，色彩繽紛圖文並茂，食物款式選擇多，包括招牌既滑蛋包飯、吉列蛋包飯、焗飯/長通粉、鐵板定食、沙律、小食、三文治卷/多士、全日早餐等，而甜品就有數款蛋糕同鬆餅。

據說餐廳既蛋包飯都係即叫即製，醬汁更係源自日本明治年代的蛋包飯配方，聽落好似滿不錯，所以一定要試下。

蟹餅蛋白包飯 $118

賣相同餐牌上一樣咁靚既蛋包飯，值得一讚! 呢款蛋包飯包括兩款醬汁，綠色係香草汁，較淺色既係芝士忌廉汁。但其實兩款醬汁的味道都較淡，芝士忌廉汁就沒什麼芝士味，香草汁的味道就較明顯，味道清清的。

先試試蛋包飯吧，蛋白皮做得夠薄身同滑，包住以醬汁煮過既白飯，用上珍惜米既白飯，食落粒粒分明又飽滿，味道不錯的。

而放在蛋包飯上的炸蟹餅，蟹餅份量頗細，本來還以為咬落去會係啖啖蟹肉絲個種，不竟呢個飯都唔係平。但原來只係普通日式炸薯餅般，內裡大部分都係薯蓉，蟹肉絲寥寥可數，有點失望，勝在炸得夠香脆。

咖哩焗黑豚焗蛋包飯 $118

呢款咖哩焗飯望落頗豐富的，咖哩汁帶微甜，焗過之後更加香。黑豚肉的外皮咬落酥化，不過肉質唔夠鬆化，同有種油炸後既味道，小妹唔太鍾意陣味。

盛八腐皮糖心蛋 $55

頗喜歡呢個小食，以腐皮包住流心既糖心蛋，比光食糖心蛋特別得多，賣相又靚。咬落外皮帶脆，同時橙色的蛋黃漿溢出，蛋香濃郁，特別又好食，值得一試。

法國玫瑰熱奶茶 $33

用上白色小杯子盛著的玫瑰奶茶，在面頭撒了點花瓣，簡單又美觀。

入口質感頗薄又滑，有淡淡的玫瑰味滲出，奶茶味道香甜帶茶香，小妹覺得滿好飲的。

盛八食堂

地址: 銅鑼灣Fashion Walk京士頓街9號1樓L102號舖 

(港鐵銅鑼灣站 E 出口, 步行約5分鐘)

電話: 2805 5711

營業時間: 星期一至日 : 11:00-23:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================