扒房立食嶄新體驗 SeeWide

唔知大家有無聽過「立食」呢兩個字呢？所謂「立食」，顧名思義就係企喺度食，一張小圓檯圍著幾個人，食完就走，毫不浪費時間。其實「立食文化」在日本早已流行多時，上班族在餐廳或居酒屋前，站著吃壽司、蕎麥麵，速戰速決，價錢既經濟又實惠。不過呢種速食文化在香港唔算流行，但筆者近日就發現，原來中環有間食店竟然引入咗「立食」呢種概念，而且仲要係扒房添，吓！唔係嘛！車仔麵、酸辣粉、壽司就話「立食」啫，連 Steak 都「企住食」，真係要見識吓。
Metal Steak的相片 - 中環)

原來餐廳是位於中環歌賦街，同街既有咖啡廳、cake shop、拉麵店，也有畫廊同生活雜貨店等等，再加上這間打著火紅招牌、走輕鬆平民路線的《Metal Steak》，一條街雲集咗咁多不同品味和元素，唔知呢間以貨櫃做裝潢的日式牛扒屋，會唔會好快就成為飲食潮流熱點呢？
Metal Steak的相片 - 中環)

原來餐廳現時有5款牛及1款豬可供選擇，分別是新西蘭的 Tenderloin $0.7/g、美國安格斯西冷 $0.6/g、安格斯肉眼牛扒 $0.6/g、日本佐賀 A4 和牛西冷 $1.9/g、日本佐賀 A4 肉眼牛扒 $1.8/g 及西班牙黑毛豬鞍 $1.2/g。
Metal Steak的相片 - 中環)

另外餐廳是走半自助形式，所以到步後客人要先去廚房的凍櫃揀扒，挑選咗心頭好、所需分量及生熟度後，就可以到收銀處付款，再將收據交回給廚師。不過謹記每客肉扒最少要柯打 200 克，之後就可以揀選站在半開放式的廚房外，欣賞整個燒扒過程或回座位等食。
Metal Steak的相片 - 中環)

聽店員介紹，這裡的肉扒是以高溫火山石爐烤製的，由於火山石的傳熱和散熱力都非常驚人，能協助廚師有效地控制肉扒的生熟程度，更可以在短時間內快速地把牛扒表面煎熟，鎖住肉汁，所以烤出來的肉扒，不但帶有點點火山石的礦物氣味，仲可以做到皮脆肉嫩的效果。
Metal Steak的相片 - 中環)

揀牛扒前，先去看看餐廳四周環境，內裡地方雖然唔算好大，不過原來亦分成上下兩層，而且牆身更畫上多幅牛隻解剖圖。另外店子雖則打著「立食」旗號，原來用餐區入面亦並非全部「企位」，仍設有高櫈座位，方便客人選擇。
Metal Steak的相片 - 中環)

至於肉扒方面，由於老公是標準和牛迷，所以決定一次過試曬兩款日本佐賀 A4 和牛。先送上來的這客是佐賀 A4 和牛西冷 ($471/248g)，件扒望落去雖然唔算好大份，但其實加上伴吃的粟米、洋蔥及露筍等，分量也不輕。拉前細看，西冷表面滿佈霜降脂紋，肉質柔軟得來又不失彈性，入口肉香豐腴，絕對是水準之作；而老公更盛讚件扒吃起來油味香，纖維少，有入口即化的口感添。
Metal Steak的相片 - 中環)

見檯面上放著的幾款自家製的醬汁，向店員請教，原來分別是日式黃芥辣、忌廉芥末籽醬、柚子味噌同雜果黑醋 4 款。由於唔知邊款與肉眼較合拍，所以每款都試了一點，發現原來肉眼與味道清酸得來又帶微微果香的柚子味噌是絕配，再伴以肉扒上的秘製炸蒜片，更能帶出牛扒的鮮香味。怕老公唔夠飽，所以亦特意加咗 $30 配埋白飯、沙律及餐湯。
Metal Steak的相片 - 中環)

至於這一客是日本佐賀 A4 和牛肉眼 ($378)，分量亦足足有 210 克。切開入口，肉眼燒至半生熟，咬下油脂適中，肉汁豐富，有濃重的油香味，而且質感軟腍，易入口，不過就稍嫌肥膏較多，幸好加了一小碗沙律作配菜，再蘸點以意大利陳醋、梨和蘋果調校而成的雜果黑醋汁伴吃，既開胃又能中和肥膩感。
Metal Steak的相片 - 中環)

飲品點了由日本入口、外形迷你的罐裝可樂 ($15) 和來自法國南部的 Winestar Rosé ($39)，老公就尤其喜愛後者的罐裝玫瑰酒，讚它品質唔錯，而且更得到法國 AOC 認證，入口 Fruity 得來又夠 Smooth，用來襯牛扒，味道一流。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $481.00

商店	(已結業)Metal Steak


抱歉，發生點錯誤。重新載入


(0)	(0)	(0)