|
睇BLOG介紹先知原來香港開左muji cafe,好奇去試下,素の食,主張健康飲食文化。
位於利舞臺muji入面,小小的一個角位,坐位不多,裝潢天然純樸為主,木色枱椅,擺放花草植物,清新感覺。
套餐:有自選3品料理/自選4品料理選擇,有分熱盤同冷盤,可配白飯或十穀米,以及味噌湯或指定飲品。
自選3品料理,彩色奄列、蕃茄監麴燜雞翼、味噌奶油烤茄子,配十穀米及麵豉湯。
感覺上料理份量很少,事實都夠食,不過應該只夠女仕食,因為碗飯份量好多,料理方面第一口好食,食食下開始覺得咸,有點漏,冷盤是彩色奄列賣相好吸引,色彩繽紛,用料是瓜菜,熱盤是蕃茄監麴燜雞翼,味道普通,味噌奶油烤茄子,濃味偏咸。十穀米,健康米,營養豐富,有點似三色糙米,但口感比較軟身,都幾好,不過真係好大碗飯,麵豉湯好咸呀。
YAN的自選3品料理,有男爵薯餅、忌廉煙肉馬鈴薯沙律及味噌奶油烤茄子。
有SHARE試,男爵薯餅香口,忌廉煙肉馬鈴薯沙律有驚喜,幾好味。
在料理上的確是少肉多菜的健康,但調味上偏咸,食完之後好口渴,可能因為個麵豉湯好咸,價錢上偏少貴,自選3品料理$88,自選4品料理選擇$98,但試下又無妨呀。
銅鑼灣波斯富街99號利舞臺廣場3樓
感謝 味之素 提供以上資料
個人日誌: http://moritatintin.blogspot.hk/
| 
