|
行街影相過後,又係時候諗下晚餐食咩好,係中環,即想起之前幾出名下的gooday cafe,以裝潢可愛出名,據聞成日full,我地冇book位,碰碰運氣提早去睇下。
7點去到,竟然冇乜人,太好了,感覺好自在。
好多可愛漂亮的小飾物,布偶、甜品小裝飾,好有少女的感覺。
色彩繽紛的馬卡龍。
如果一個,看著出面風景食飯都幾寫意。
dinner set,藍莓栗子紅酒燴鴨胸飯$109 & 山葵汁青瓜雞胸肉意粉$103,奉送餐湯、餐包、餐飲及甜品。
法式花茶,花香味醒神,好喜歡。
蔷薇洛神花包,賣相好靚,是粉紅色的,淡淡洛神花味,口感香軟,中間有軟芝士.甜甜地,好美味。
栗米洋蔥忌廉湯,味道OK,冇咩特別。
藍莓栗子紅酒燴鴨胸飯,聽起來好特別,個名感覺好西式,但賣相又有點似中式,唔係好有藍莓味,有栗子之下成個飯少少甜,鴨胸普通。
黑松露天使蛋,賣相好靚,味道普通。
焦糖菠蘿,味道香甜好食呀。
田園沙律伴蜜糖芥末醬,芥末醬少少辣,甜甜地,好開胃呀。
山葵汁青瓜雞胸肉意粉,味道比較淡。
是日甜品,果凍,夏天食好正呀。
加$8轉做cupcake,好明顯係比羈仔吸引,以為隻鴨食得,點知原來係膠來......比你拎返屋企...cupcake比較乾身,普通呀。
綜合來講環境優勝,食物係薔薇洛神花包幾好味,花茶幾香,其他食物一般,不過用上可愛的餐具、的的骰骰細件感覺,賣相得令人有食慾呀,店員好有禮貌服務幾好呀。
中環皇后大道中118號5樓
感謝 味之素 提供以上資料
個人日誌: http://moritatintin.blogspot.hk/
|
