|
鶴咀一日遊
|
|
圓咕碌
2015-03-29
770
0
|
分享
收藏
3月22日星期日 响一個月前"豆豆"約定我陪佢去鶴咀遊 , 我一直都期待呢日嘅來臨 , 好彩响出發前病好唔駛改期咋 , 可以照原定計劃出發 , 首先去車豆豆朱屎一家 , 然後一齊去筲箕灣食 lunch , 食飽飽坐紅 Van 入鶴咀街口落車 , 落咗車沿石屎路行入村.................估唔到條村有好多村狗 , 沿途都要爸爸媽媽輪留抱住我 , 行過哂條村先可以落地行呢~!! 話哂第一次嚟呢度 , 當然要同媽媽影吓呢個指示牌~!! 點少得豆豆朱屎家呢 話咁快就行到嚟電壓站 沿途都可欣賞無敵大海景 吹住海風行真係好舒服 我身為男子漢 , 當然要响後面保護呢兩個女子 行咗好耐..............終於都見到燈塔喇~!!!!!!!!! 呢座白色圓形燈塔 , 建於1875年，係香港第一座嘅燈塔，亦都係本港現存五座戰前燈塔之一 , 由於歷史悠久，燈塔於2006年被列為法定古蹟 , 係咪好值得行吓呢~!! 呢度影相真係一流 行咗咁耐................同豆豆坐响燈塔吹吹風 真係大風到吹得郁我呢~!! 兩個媽媽加兩個寶貝一齊合照 當然唔少得咕碌一家呢 影完燈塔 , 我哋又行去屋仔嗰邊影鯨魚骨 我身後面就係好大條鯨魚骨呢~!! 影完相又要回程 lu 比爸爸捕到我嘅飛相 行返出嚟電壓站 , 同朱屎影張合照留念 仲有三個嘅大合照 欣賞埋咁靚嘅黃昏 出返路口要搭的士返筲箕灣 , 豆媽一早訂好枱同我哋食 dinner , 食完 dinner 送佢哋返屋企 , 我哋就回家 , 今日玩得好盡興呢 ~!!!!!!!!!
感謝 圓咕碌 提供以上資料 圓咕碌的網誌: http://yuenkolok.blogspot.hk/
|
~END~
| 商店 | 鶴咀海岸保護區 |