|
好有快感喲.... 變態!
|
|
oasiswong
2015-09-16
1435
1
|
分享
收藏
中學時代, 旺角上學, 我是典型標準好學生, 愛打機, 必去好景商場, 愛篤波, 必去金聲戲院波樓, 愛玩軍服和手槍, 必去仁安大廈, 過了廿多年, 仁安大廈的槍店少了很多, 換了是一堆名牌二手錶店, 未了解是做遊客生意還是本地人生意.... 仁安大廈的地面商場做了裝修工程, 通爽、寬闊、光猛了很多. 現在只剩下三、四間槍鋪, 賣的多數是日本貨. 中學時的男生, 大多數都喜歡玩槍和模型車, 女生呢...? 想當年, 女生早熟(其實任年代, 女生都是比較早熟), 當男生思想還是小孩子般, 愛玩玩具, 女生已經不玩她們的洋娃娃了. 相比起今天, 我隔離位的C9同事, 五十歲也到了, 檯面全都是Hello Kitty 公仔....oh! sit ... sorry, 得罪好多人了... 仁安後門與百利達廣場的後門相通, 所以, 可以由登打士街, 通過仁安商場, 直達百利達廣場. 諗到我頭都爆, 都諗唔起, 到底未建成"百利達廣場"之前, 是甚麼大廈....? 以住宅的角度而言, 百利達廣場的位置, 確是旺中帶靜 (當然不及自由道和勝利道一帶), 但如果以商鋪而言, 則屬人流較少的三、四線鋪位了. 一入百利達廣場, 便看見小型雪糕店, 之前 googled 過, 明星店, 由花名"大隻仔"的明星溫家偉經營, 專買雪糕三文治... 大隻仔, 美國出生, 大學畢業回港, 選TVB港男, 兒時夢想, 做老闆, 開雪糕店, 選名: Stacks, 取義為"層層疊", 有"生意更上層樓"的意思..... 哈! 華人做生意, 無邊個唔迷信.... 包括鬼佬華人....哈哈... 友人慕大隻仔之名, 今天專誠前來一睹風采, 可惜.... 偶像今天可能要招呼吳若希, 未能回鋪, so sad.... 門口設計了一幅玻璃條, 手寫手劃出 買雪糕 要訣: 1. 先揀雪糕味道, 2. 揀三文治外層, 3. 是否另加配料. 下面寫著"BLACK COW??" 黑牛... 唔知嘜東東, 唔知係唔係雪糕可樂, 但又唔見餐牌上有價錢, 之後唔記得再問.... 另有一詳細餐牌, 貼在雪糕櫃的玻璃上. 雪糕五款: 荔枝、玫瑰、士多啤梨、果撻、朱古力雪芭, 每款訂價$48, 沒有了網上介紹的"楓糖煙肉味", 未知是取消了, 還是未做得切供應.... 眼角已釘實: 玫瑰和果撻味的雪糕, 應真夠古怪, 就要這兩款... 與一般的雪糕店不同, 玻璃櫃內的雪糕, 沒有外露給客人看, 全都是冚埋蓋. 店員打開蓋, 先"筆"玫瑰雪糕, 我又重施故技, 心無雜念, 神不外馳, 口中細細聲, 諗出"宇宙終極-筆大舊雪糕心法-乾坤大挪移"之咒語: 筆大舊D...筆大舊D....筆大舊D.... 筆大舊D....筆大舊D... 筆大舊D....筆大舊D... 哈哈... 首先到手的是"菠蘿包果撻雪糕"($50), 另加了配料: 綿花糖. 果撻味道, 絕對是怪異款式, 果撻本身 當然不怪異, 但做成雪糕口味就.... 唔知幾時會有"蛋撻雪糕"和"雞批雪糕"呢...? 正當與友人研究如果把4吋高的"菠蘿包果撻雪糕", 放入 只有擘極都只得2吋的小口 之際, 店員不其然的彈了一句: 用手壓扁佢嚟食.... 哈! 果然, 一語驚醒洛克人.... 唔知大家細個時候, 有無"壓包"習慣, 就是麥當當的巨無霸(當時還未有"至專"或"足三兩"這些中產漢堡包, 巨無霸已經是最貴的漢堡包了), 唔壓佢一壓, 根本無法入口, 用力㩒扁個吓, 醬汁"滋"一聲, 從罅中"必"出來, 真係特別有快感.... 變態??? 我認我係.... 壓扁後的菠蘿包果撻雪糕, 表面的菠蘿塊狀, 貼得更實, 入口更脆更有質感. "果撻雪糕"有果撻味...., 應該也是諾貝爾文學獎級數的形容詞吧... 我保證, 你一定feel到!!....哈哈.... 我覺得 位於雪糕與菠蘿包中間緩衝區的綿花糖, 是最好的安排, 壓下時, 不會壓散雪糕, 入口時, 咬落又増添軟軟口感. 雪糕快溶, 怕一次過食唔切, 所以食完菠蘿包和果撻, 才買另一款: 紅莓芝士曲奇夾玫瑰雪糕($48). 曲奇餅肉有紅莓粉, 玫瑰花碎片溝在雪糕中, 兩片曲奇, 水平夾在圓形雪糕的上下, 賣相精緻. 二話不說, 友人同樣 用手 大力一壓.... 哎呀...曲奇碎裂! 遲了一步... 靚女才溫柔提醒: 曲奇與菠蘿包不同喲..., 要輕輕力壓哦..... 哈哈哈哈.... 到底玫瑰花係咩嘢味呢?? 玫瑰花的味道, 當然可以聞到, 但食落 係咩嘢味呢? 呢鋪...真係考起我了...., 佢既味道, 應該.... 唔係康乃馨味, 唔係鬱金香味, 唔係向日葵味, 唔係蝴蝶蘭味, 更加唔係牡丹花味.... 最確切的...應該係玫瑰花味.... 哈哈.... 且慢, 唔好笑住, 這真是一個哲學問題哦... 當你要形容某一樣東西時, 你必定要、無可避免地 通過它"不是甚麼東西"來描述那樣東西喲... (矛錯! 食評字數是這樣呃回來的...) 店內裝潢, 簡約得有點清寡單調, 完全不同市面的高級雪糕店, 但雪糕的幼滑程度, 絕對有水準, 上網了解過, 可能是因為奶少忌廉多的關係, 而且味道不太甜, 原始材料的口味更特出, 食多了也不覺膩. 店員十分有禮貌, 笑容可掬, 態度友善, 可能全都是大隻仔的粉絲....嘻嘻..
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$49.00
| 商店 | Stacks |