|
好好玩@樹屋田莊
|
|
3BMaMa
2015-08-23
1028
0
|
分享
收藏
| 自從兩年多前喺FACEBOOK見到朋友帶仔仔去樹屋田莊玩嘅相 感覺一定超好玩之後。。。 一直都打算等野人大少少就同佢地去爬下樹屋，親親大自然 上年，2014年，當我醒起樹屋呢件事 但又咁啱撞著樹屋大裝修!!!!!冇得玩:( 搞下搞下、拖下拖下、又等下等下。。。 最終喺2015年暑假成功去到樹屋田莊!!!!!! 今次喺暑假期間去到樹屋玩，都算非常幸運 事緣6月29日開始約2010孖人會嘅朋友仔一齊去樹屋玩 6月30日搵齊腳可以預約樹屋，出奇地樹屋8 月23日有個檔期 如果唔預約呢日，就要等到10月中先有位!!!!! 更更更更好彩係。。。樹屋7月1日開始加價!!!!! 我地6月30日預約，所以用到舊價!!!!哈哈哈哈 組團去樹屋玩，最少要20人 我地一行5個家庭，21個人「成團」 暑假期間，大家都怕熱，所以選擇黃昏營(1500-2100) (樹屋訂營詳情，可參考樹屋田莊網址︰http://www.treetopcottage.org/) 樹屋一共有二十多項活動可供選擇 我地揀了其中3樣︰泰山飛索、橫水渡、樹屋歷奇 雖然話就話係黃昏營，但始終下晝三點就開始 溫度都仲係頗高!!!!! (野人聽BRIEFING時，「痴住」個風機@@)     聽完樹屋職員BRIEFING + 著好裝備 第一個就係玩「泰山飛索」 最初睇見個「飛索」，都諗緊野人夠唔夠膽玩。。。 點知哥哥毫不猶豫就去玩 弟弟開始都有少少驚，但自從玩第一次後，驚嘅感覺走唒:P 每個小朋友都玩得好勇敢!!!!叻!!!!! 我都趁自己條腰尚健在，一齊玩!!!!嘻嘻  第2個TASK，就係重點節目︰樹屋歷奇 之前聽到有人話，裝修後嘅樹屋比以前嘅樹屋易爬 個人認為難易唔緊要，最緊要好玩!!!!:P  全部人，無論大人小朋友，都專心聽樹屋職員講解爬樹須知  讚揚一下，個個樹屋職員都好有耐性及愛心:)       樹屋上留倩影:)      樹屋另一樂趣，回收爬樹手套:P    最後一個活動︰橫水渡 好留心聽講解嘅野人，無啦啦「手牽手」哈哈哈哈   2010孖人會有一個小男孩同野人一樣都係「恐龍控」 所以佢地自組咗恐龍戰隊玩橫水渡  呢隊恐龍戰隊可算係最危險嘅一個小隊 因為最癲癲地，真係隨時跌落水!!!!!XD   完成三個TASK，天都漸黑。。。 我地喺樹屋田莊吃埋晚飯先離開 喺大自然品嚐充滿城市味道嘅PIZZAHUT:P (真係好大自然，因為隨時有小動物經過!!!!嚇死我@@)  P.S.其實樹屋田莊都有到會/飯盒預訂服務 只要入營前數天同樹屋職員預訂就可以:) 後記︰ 未去玩之前，都已經充滿期待 玩完之後，真心推介各位家長帶小朋友去玩 一來可親親大自然 二來所有活動，都要小朋友自己完成 確實係一個父母「放手」及小孩挑戰自我嘅好機會!!!!
感謝 3BMaMa 提供以上資料 3BMaMa的網誌: http://www.bbbmama.blogspot.hk/
|
~END~
| 商店 | 樹屋田莊 |