|
潮福蒸氣石鍋
|
|
味之素
2015-09-26
1342
9
|
分享
收藏
約左西環之友食飯,好耐冇係西環食野了,雖然成日係西環打等,但多是西環頭,好少去西環尾,上網見到呢間蒸氣石鍋好特別,未試過呀,唔知係點食的,一於去試下先,BOOK了8:00,2位。
是酒家的格局,環境都幾金光閃閃,幾華麗呀。
門口範圍擺放了海鮮,睇落好吸引,順便睇下邊款新鮮。
可以自己混醬。
見到呢個蒸氣石鍋,個蓋好似草帽,好特別,是用藤做的,都幾重手呀。
即睇有咩食,多是海鮮,見到龍蝦好抵,必食,仲有其他招牌菜呀。
混醬先。
開始了,先是煲粥,即場把材料珍珠米、南瓜及排骨放入鍋裡蒸煮,粥要慢慢來呀。
有個計時器,每款食物都是不同時間蒸煮的。
惠州蒸手剁豬肉丸,$68,有6粒,清蒸10分鐘,是招牌菜之一,據聞是手打的,賣相好少牛肉粒,好大粒呀,肉丸爽口彈牙,有馬蹄粒味道帶點清甜,幾好味呀。
龍蝦,$98,用蒜茸清蒸5分鐘,最想食係呢個,豪一次,好大隻龍蝦呀,肥大肉厚的,肉質結實,有爽彈的口感,好新鮮,好食呀。
花蛤皇,$64,有大約11粒到,清蒸5分鐘,賣相好飽滿,味道鮮甜。
游水花竹蝦,$36,清蒸5分鐘,都幾大隻,蝦肉爽脆鮮味。
蘇格蘭元貝皇,$68,用蒜茸粉絲清蒸5分鐘,大粒肉厚,彈牙又鮮甜,配上蒜茸粉絲更香口,好味呀。
象拔蚌仔,$68,清蒸2分鐘,口感有彈性,有咬口,不俗呀。
清蒸菜遠,$78,是菜心,好奇想知蒸出來的菜係點,原來口感好軟腍的,同比較甜味,不俗呀。
新鮮排骨粥,終於都煲好了,個粥好綿呀,少少南瓜肉,味道清甜,排骨夠鬆化,好味呀。
用清蒸的方法,食出原味之餘又夠健康,海鮮有水準,大件又好味,價格上的確略貴,每人平均約$400,但好味又難得聚下,當中秋飯豪一次呀。
西環堅尼地城吉席街61號卿旺大廈地下及1樓
|
~END~
| 商店 | 潮福蒸氣石鍋 (西環店) |