8 SEPTEMBER 2015(TUE)

謝謝A-PLUS Beauty邀請，可以體驗一下佢地嘅Cutera truScult 療程，等我又扮下偽BEAUTU BLOGGER，整返塊V面做下靚媽先~
我臉啲肉雖然唔算係多，但都總係好似浮浮腫腫咁，我想如果唔係因為我依家長頭髮叫做呃得下人，我想都一定俾標籤為肥媽。
有得扮靚靚我想都冇人會SAY NO，但利用儀器做療程我又有少少驚，所以當收到邀請時，我都15/16考慮左一陣。最後係網上睇到有關A-PLUS Beauty資料都係正面，再加上身邊又有朋友對佢地讚口不絕，所以今日就嚟體驗下啦！
好在地點都算方便，係尖沙咀MTR出行幾分鐘就到，咁我就可以等我帶左小小豬返學之後，偷小小時間去扮靚啦！
去到接待處等左一陣，填好啲個人資料，職員就帶我入房間準備。雖然房間唔算大，但感覺都幾舒服，張床都幾好瞓(依點好重要，因為一陣有排瞓嘛)~

治療師先為我清潔面部，然後就去影低療程前相片(超超超級素顏，希望冇嚇親大家)，好明顯我下巴係勁多肉，同埋好浮腫呀~

今次我所做就係依部Cutera truSculpt~

係 一台採用單極射頻系統嘅非入侵性塑身儀器，經過美國FDA認証，可以改善雙下巴、手臂、側腰、腹部、臀部及大腿等肥胖問題。採用專利電波探頭技術，以45 度恆溫深層加熱脂肪層，受到持續熱能嘅脂肪細胞會啟動細胞自然凋亡程序，最後經人體的新陳代謝排走，達至肌膚緊緻塑形的效果。
除左儀器有之外，仲需要係背部貼上一塊電流pad，同埋連接電波探頭，先可以用開始呀~

由於係第一次做，所以治療師會利用44度熱力，每個位置停留四分鐘~

整塊面大約需要有六個位置，每個位置都係四分鐘，來回做兩次~

坦白講，初初第一下都有少少覺得熱熱地，而且都有少少吉吉地感覺，不過等一陣可能皮膚適應左，又感覺暖暖地幾舒服。
哈哈哈...差唔多一小時嘅療程做完，我有冇V到呢~

之後職員就帶我影療程前相片，即時睇到個下巴收緊左啲啲，瞼頰都好似FIRM左啲啲呀~

第一次療程都見到有少少效果，都叫唔錯，不過治療師話隔三至四星期再進行一次，咁就可以有更好效果呀！

睇下個對比圖就好似清楚啲~

MY FACEBOOK~

MY INSTAGRAM~

MY WEIBO~

E-MAIL~

 

其他博客區
※※ SINA ※※

※※ MyBB星級Blogger ※※
※※ 熱新聞專欄 ※※
※※ 博勢力 ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※