前排與他黎到了呢間係銅鑼灣新開既餐廳食晚飯。打開電梯門，已看到黑底金字的招牌，感覺頗有格調的。











餐廳裝修簡約型格得來又帶點高貴感，環境頗寧靜舒適，滿適合情侶食飯或者慶祝紀念日呢。如果想大班朋友黎食飯，餐廳更有一間六至八人房間 (六人會坐得較鬆動, 最下圖)，最低消費 $8000。

另外前方亦有吧檯，同時有不少種類既Cocktail同Whiskey供應，黎飲酒傾下偈都係一個唔錯既選擇。

看看餐牌，選擇唔多，分為頭盤、沙律、湯、意粉、主菜及甜品，另外都有是日精選，由每天的新鮮食材中所製既菜式；意粉和主菜價錢一般都係由$1xx-$3xx不等，唔算貴，最貴反而係1公斤既炭燒澳洲T骨牛扒，要$888。

先來一籃麵包，有提供黑橄欖醬、黑醋油和蕃茄粒可以沾麵包食呢，據說麵包係自家製既橄欖包，麵包食落鬆軟富麥香；麵包條係外來貨，食落都很脆口。

Peach Bellini $108

桃味的雞尾酒，桃的味道較重，入口很順，還食到絲絲果肉，滿適合不太懂喝酒的小妹。

Sangria (西班牙水果雞尾酒)

紅酒加水果既配搭，很易入口。初頭入口會有頗重既紅酒味，之後飲落慢慢有果香滲出，不錯。

意大利蛋幼麵配蟹肉及橄欖汁 $168

幼麵係餐廳自家製的，用上蟹水一齊煮，另其更加鮮甜入味。麵質咬落彈牙，係小妹喜歡的麵質。麵條掛上一絲絲既蟹肉，食到愈底味道愈鮮甜，好味又特別。

意式帕爾瑪火腿雲吞配蘆筍汁 $138

每碟有六隻雲吞，雲吞皮頗薄，咬落帶點彈性。本來還以為用上帕爾瑪火腿做餡料味道會較重，食落餡料和醬汁的味道都較為清淡，對於食開重口味既小妹確係有點失望，而配菜中的蘆筍咬落爽脆鮮甜。

傳統意式紙包鯛魚 $228

意大利菜中的傳統家鄉菜式，特別給食物用既保鮮紙，包住鯛魚和一些配菜再入220度既微波爐再焗。保鮮紙能鎖住食物的水份同營養，令其不易流失，精華仍然鎖緊在其中。

一打開保鮮紙，內裡除了鯛魚外，仲有蘿蔔、洋蔥、車厘茄、薯仔等配菜。先呷一口內裡的湯汁，由於吸收了食材的精華，所以飲落係非常的鮮甜，鯛魚的魚肉亦頗嫩滑細緻； 其他配菜都煮得腍身入味，好味!

炭燒西班牙豬肩肉配蘋果芥末醬、焗大蒜及洋芥蘭 $258

由於平時多數食牛扒多，所以今次便決定試下炭燒豬肩肉。餐廳提議如果唔怕生既可以食五或七成熟，肉質會較好味，所以我地就揀左五成熟。上桌時的豬肩肉已切好了一片片，用石板盛著；配菜有菠菜和車厘茄等，再配上蘋果芥末醬。

五成熟既豬肩肉，內裡呈現粉嫩色，清楚見到肉質紋理。咬落肉質鬆化富肉汁，味道其實幾似牛肉既質感，還帶有陣陣炭香味，配埋清新既蘋果芥末醬，好味!

Passione Italian Restaurant

地址: 銅鑼灣渣甸街50號渣甸中心3樓

電話: 3523 1955

營業時間: 星期一至日: 12:00-15:00, 18:00-23:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================