|
金記冰室月餅~
|
|
技巧樹熊
2015-09-29
628
1
|
分享
收藏
| 今年的中秋，可以話係最冇氣氛的一年，自從吃完美心那個什麼六皇月餅後，我也沒有再吃過了。 手頭上我還有最愛的半島月餅，佢地位還未有人可以取替到，不過今年真係仲未食，還有貨的係蒲田的手工月餅，美心的冰皮月餅，還有openrice送的月餅，最後，還有近期大hit的金記月餅，唯獨沒有那個有名的望月，今年睇黎又冇得食。 今日想寫嘅係金記嘅月餅，我自己個盒其實係低糖雙黃白蓮蓉月餅，不過自己個盒未食未寫就寫左呢個金腿伍仁月餅。 多得Ivy仗義讓左一個俾我，我先可以食到呢個咁懷舊嘅月餅，金腿伍仁，呢個係傳統古老健康月餅，其實係好多年前嘅時代尖端。 今日同家人係富臨喝茶，最好就係分月餅食，由於婆婆喜歡吃，所以就食左呢個金腿伍仁月餅。 呢個月餅，樣子精美，最喜歡那個外表，就像那些精美的凹凸車牌一樣。 吃下去，一如其名，五種仁，以杏仁，桃仁，花生仁，芝麻仁和瓜子仁，最重要還有條條的金華火腿，非常足料的月餅，一砌開，豐富的餡料隨隨流出，五種種子滿滿塞著月餅的內部，食完也不會有好飽好膩的感覺，不過，最出個隻味係杏仁味，非常一流，咁大個仔都未吃過的金腿伍仁月餅原來感覺不錯。但其實我吃完一個都幾飽，幸好只是要一個，如果四個都要啲時間先可以食完。 仲有係低糖雙黃白蓮蓉月餅，我都仲未有機會吃，結果係追月呢個晚上食埋佢，因為我好低能咁放左入雪櫃，今晚食嘅時候，我放左係焗爐焗左五分鐘，就好似半島咁方法，唔焗唔知，原來咁好食，蓮蓉味清淡，唔會好似平時奇華的咁濃烈密集，蛋黃精美，一滴滴蛋黃汁加上蓮蓉係非常好嘅配對，如果你仲有係手，請試下啦。 金記冰室 Kam Kee Cafe 灣仔天樂里6-18號恆安大廈地下D及E舖
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
| 商店 | 金記冰室 (灣仔店) |