|
海南雞飯-馬六甲回憶
|
|
問米婆
2015-09-25
1078
0
|
分享
收藏
| 今晚在旺角逛街, 朋友話帶我去試舊式餐廳. 現在古老當時興, 當然無問題啦! 門口貼了當年的照片, 這家餐廳有很多年歷史喎. 入座後, 朋友點了81元馬來大餐, 我則點了海南雞飯. 馳名海南雞飯HKD49 另收加一服務費 原來這店的海南雞飯是無油. 當年在馬六甲嚐過的海南雞飯都是 ~ 無油呢! 就在馬六甲JALAN HANG JEBAT (荷蘭廣場紅色建築對出運河的另一邊) 有家經常排長龍的餐廳, 食客就是為了著名的海南雞飯而來. 裡面的飯都是無油嫁, 比較白身, 即是米飯黃黃白白的原色囉! 旺角這店的雞飯, 又真係頗似馬六甲果間餐廳 ~ 無油!!! (而香港常見海南雞飯是油油的.) 慢慢嗒, 可以感覺有種淡淡的清香. 連皮的雞件很有光澤, 這個與馬六甲的白雪雪雞肉又有不同了! 黃澄澄的雞皮下有雞啫喱, 雞隻煮熟後要過冷河, 才會形成的皮下啫喱. 雞骨仍是紅色, 而肉質都算滑. 伴碟花生, 沾上黃色的雞油, 更添鹹香, 真的一粒也不能放過! 已經忘記飲食要健康了!!!!!!!!! 朋友點的馬來大餐, 有4道, 當中包括一碟咖哩雞飯. 無試到, 唔知味道如何. 職員只向朋友提供叉和匙羹, 雞件好大件, 與當地馬拉人斬雞方法一樣. 馬拉當地餐廳的咖喱雞習慣: @雞身大大件上碟, 斬多刀都唔願意囉!!!!!! @餐具只有叉和匙羹, 咪洗諗住有刀或筷子, 馬拉當地人唔興嫁!!!! 但咁大件雞, 點樣食呢! 真係考起客人!
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
人均
$54.00
| 商店 | 新廣南餐室 |