27 SEPTEMBER 2015(SUN)

今日我地三口子又入嚟屯門黃金海岸，因為小小豬再一次成為試玩專員，嚟個登月大冒險，真係非常多謝We嘩!充氣嘉年華一直咁愛錫小小豬呀~

前一日黃雨突來，其實我都預今日可能入唔到嚟玩。點知今日一起身天氣都不知幾好，所以又可以去玩啦！

今次我地仲相約超可愛嘅小K妹妹一齊玩，有美相伴小小豬當然更加開心，因為佢又可以扮大哥哥嘛~

兩位小朋友第一站就係去「嘩啦!嘩啦!撐艇仔」先，玩左幾次嘅小小豬開始鐘意享受撐艇仔啦~

之後我地就轉戰一樓，先去「反斗挖掘樂園」跳下彈床~

繼續就係「兒童殞石挖掘機」，上次係愉景新城嘅We嘩!充氣嘉年華小小豬都玩過一次，所以佢都已經識識地，不過在場嘅負責姐姐真係好好人，佢好細心咁慢慢教小小豬玩，佢地仲玩得不知幾開心呀~

原來兩個小朋友最鐘意嘅係「We!嘩造型流沙」，佢地玩左都唔知幾多次。最攪笑係之前幾次嚟We!嘩玩，小小豬對依項活動都唔多熱充，玩一陣就走。不過今日就玩完又玩，唔通因為小K係度...哈哈哈~

之後我地就去玩今個活動重點遊戲「We嘩！探月火箭」，係火箭入邊不停跳跳跳。由於我地都睇唔到入面係點，所以最好就係問返試玩專員。根據小小豬玩後感，佢話：入面有彈彈跳，有得拍波，又有"SIR"滑梯，總之係好好玩啦！~

係一樓最後一個遊戲就係「體感光球x小巨蛋」，其實之前係奧海城都玩過，不過今次係加左啲發光小巨蛋係入面，如果夜晚玩開埋啲光應該會好靚呀~

左玩一輪就要休息一下，NIKO EE仲請我地食雪糕，兩個小朋友排排坐食雪糕，多謝...YUMMY~

休息過後，先去玩兩個攤位遊戲，小小豬都好利害，贏左Sunraysia果汁同埋Tempo濕紙巾做禮物呀~

之後我地就做啲靜態活動，又嚟「We!嘩藝術廊」砌屋仔。話事話...小小豬真係好鐘意砌屋仔，每次都一定揀小手工屋仔。不過佢鐘意都冇所謂，最重要係佢肯乖乖坐定定砌嘛~

文靜過後就去玩「小丑魚星空漫遊」，有得跳有得"SIR"，又有得跑，小小豬又點會唔鐘意呀~

最後我地就去玩「發光太空飄卷」，其實開頭我地都冇打算玩，因為老公冇著襪仔冇人陪佢玩。小小豬非常堅持好想去玩，從佢個眼神睇得出佢係有幾想玩，最後....就由我依個MAMI陪玩啦，不過...原來真係好攰，但見小小豬係個卷卷入面爬得咁開心，都值得呀~

開開心心又玩左一個下午，其實走嘅時候小小豬都有啲未夠喉，緊係啦....有小k妹妹陪佢，又有得玩咁多遊戲，佢又點捨得走呀！不過，因為我地要返去奶奶屋企做節，所以唔捨得都要啦！

希望好快又可以再嚟We嘩!充氣嘉年華玩，到時再約埋一大班朋友仔一齊，應該會好好玩，又會好開心呀！

More information :
主題 : We嘩! 充氣嘉年華@黃金海岸
日期 : 9月26日至10月4日 (一連九日)
時間 : 上午11時至下午9時 (2015年9月26 日 - 2015年9月28日)
(設有中秋節夜場時間)
上午11時至下午7時 (2015年9月29 日 - 2015年10月4日) 地址 : 黃金海岸商場 (香港黃金海岸青山公路1號)

主題 : We嘩! 充氣嘉年華 - 宇宙探索@奧海城
日期 : 9月26日至10月4日 (一連九日)
時間 : 上午11時至下午7時
地址 : 奧海城2期地下主題中庭(香港西九龍海庭道18號)

票價 : HK$10 – HK$80

Website： www.wewaland.com
Facebook：https://www.facebook.com/WeWaLand