抱歉,發生點錯誤。
重新載入
[灣仔] 新泰東南亞餐廳 ‧ 可選富東南亞氣息的帳篷座位呢 | 品嚐啖啖肉既酥作香茅魚和味濃冬蔭公
糖小妹
2015-09-09
728
1
分享
收藏


呢排食泰菜既次數愈黎愈頻密,都係因為小妹愛上了生蝦刺身同冬蔭公,久不久又會突然好想食,所以放工又黎到灣仔既「新泰」食晚餐。原來「新泰」前身為泰屋,在香港已經營二十多年,由泰藉廚師主理,不斷創出新菜式,更務求烹調出合適香港人口味的東南亞美食。






一打開電梯門就見到裝飾得華麗又有泰國風既面門,有裝修金碧輝煌既感覺。









餐廳內環境寬敞,座位唔會擺得很迫狹,令人感覺舒服。中間有多人聚餐既大圓桌,側邊就有落地玻璃既卡位,望出去可看到人來人往既灣仔。

最特別既係有帳篷裝飾既坐位,很有東南亞氣息,坐落去特別捨意呢。











餐牌分為小食類、燒烤、湯、沙律、咖哩、肉類、海鮮、飯麵類和甜品;較特別既有冬蔭雞煲、麵包焗咖哩軟殼蟹和椰汁青檸雞湯等,光睇菜名都想食!



先黎既係椒鹽軟殼蟹 $78,小妹係軟殼蟹超級粉絲,好多時都會叫一碟,貪其香口惹味。整碟裡有好多蒜粒和椒鹽裹著炸軟殼蟹,食落香脆惹味,有陣陣蒜香。但軟殼蟹的件數太少,只有約5-6件蟹腳,連蟹蓋都見唔到。

蒜茸越南牛油雞翼 $65
一客四隻,可惜既係咬落唔夠香脆,外層炸皮有點腍身和油膩,食落牛油香同蒜茸味都不重,有點失望。

冬蔭公 (細) $78
有點失望既係冬蔭公竟然係用碟上而非用鍋上,小妹真係第一次遇到,賣相立即失色不少。而服務員話這一碟湯大約可分到約三小碗。

雖然叫左個細湯,但內裡都有兩隻開邊大蝦和蘑菇等,料都頗足。飲落湯底算濃厚,椰汁味好重,帶點酸辣,又唔會辣到嗆喉,味道岩岩好,夠晒開胃。

南瓜焗咖哩海鮮 $128
因為之前在另一間泰國餐廳都試過類似的菜式,覺得味道還不錯,所以今次又叫了。這裡係用上原個南瓜上桌的,光看還挺有萬聖節氣氛呢! 

裡頭有魷魚、大蝦、青口和魚柳等,海鮮的味道都不賴,大蝦蝦肉和魷魚都頗彈牙,而魚柳咬落幼嫩腍身,掛汁一流。面頭有淋上了南瓜咖哩汁,味道甜甜的,底下亦有不少南瓜肉,佐飯一流。

酥炸香茅魚配青芒果沙律 $168
將原條魚以高溫油魚炸至金黃色,上面放滿了香茅條,另附上一份青芒果沙律和泰式醬汁。初時睇餐牌會以為係用香茅醃製過既魚,又怕唔識吐骨既小妹會食得好狼狽,原來驚喜在後頭,我的擔心係多餘的。

把香茅撥開後,會發覺原來一早已把魚肉起骨炸成一條條既炸魚條,咬落外酥內軟,肉質頗嫩,最重要係無骨,食得方便又惹味。好似小妹本身對香茅味一般般,光醮醬食已夠晒香口惹味。如喜歡香茅的,可加上那一條條的香茅同食,別有一番風味。



新泰東南亞餐廳
地址: 灣仔軒尼詩道318號W Square 2樓
(港鐵銅鑼灣站 A 出口, 步行約9分鐘)
電話: 2827 8877
營業時間: 星期一至日: 12:00-23:00

================================

(喜歡的,請按讚支持,是給我很大的鼓勵啊  


============================================

感謝 糖小妹 提供以上資料

糖小妹的網誌: http://concon2016.blogspot.hk/


============================================

~END~
商店 新泰東南亞餐廳 (灣仔店)
特搜總編E2015-10-12 12:09:11
+ 追隨
舉報
恭喜!經過「SeeWide評審團」一致通過,你的發佈已被選為推薦攻略!你將獲得200經驗值作獎勵!
回覆