浪漫氣氛夠浪漫
|
|
chickenandpp
2015-09-28
580
1
|
分享
收藏
要搵一間岩Feel既餐廳拍下拖其實都幾難, 環境既氣氛好影響一切,燈光呀、音樂呀、周邊人都係大影響 間唔中都想兩個人燭光晚餐,唔打唔撞黎左Spark Bar & Restaurant 依到既氣氛簡直岩晒我同chicken密密針~ 因為係樓上鋪,所以黎到門口覺得幾神秘,出面仲有多有關餐廳既報道~ 環境地方幾大,燈光暗暗地好有氣氛,而且佢播住以前既英文舊歌,仲要係我以前成日聽! 即刻感覺出晒黎,而且仲有露天座位,不過因為chicken怕熱所以就冇出去坐了~ 望一望個餐牌,都幾多選擇~今次想食多啲唔同既野呢~ 依到仲有一個小房間,女士同小朋友見到一定會雙眼發光xd好大隻熊啤啤呀! 雜莓沙冰,飲品最快上,沙冰夠晒冰涼又解渴,而且雜莓味夠fresh,酸酸甜甜,愈飲愈開胃~ 凱撒沙律,材料有生菜、麵包糠、車厘茄、煙肉等等,材料新鮮爽口, 沙律醬亦同食開既好唔同,當開胃菜一流~ 三文魚露筍墨魚汁天使麵,淡淡既墨魚汁香味已經係咁飄過黎, 口感鮮香幼滑,天使麵幼身得黎又夠彈性,三文魚較少,不過食完後要記得抹咀呀xd 啤酒煮蜆,雖然我地都唔太好啤酒,不過好彩都唔會難入口,有微微苦澀味, 同埋有好香蜆汁,蜆肉幾滑嫩,食落唔覺有沙,幾推介~ 德國脆皮炸咸豬手配蘋果醬,好少食既咸豬手今次就嗌左黎食XD, 開頭以為得肥膏,不過絕對唔係呢!香脆既皮下係有嫩嫩既肉,又香又濃, 不過雖加埋肥膏會更加入味,不過都係唔好食得咁油膩haha(交比chicken搞掂XP) 蘋果醬,搽係豬手到食,可以令原本油油既感覺清新左,所以係一個重要既配料呢! 淡淡既蘋果香味,食落甜得黎又清新~ 水牛城雞翼,外層勁香脆,而且咸咸既味道,做得幾入味,雞翼做得岩岩好,唔錯~
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
商店 | (已結業)SPARK Bar & Restaurant |