|
會席二人盛 @ 盛八日式燒肉店
|
|
sky_0721
2015-10-03
720
1
|
分享
收藏
早前去了尖沙咀盛八日式燒肉店食飯, 來這裡當然要食燒肉. 因為好多嘢想食, 但又唔知怎樣選擇, 套餐是最適合我地. 最後點了會席二人盛. 當中包括前菜金目鯛雙色蟹子蝦沙律花之戀和山葵龍蝦米紙卷. 因為花之戀有魚生, 所以我無食到. 山葵龍蝦米紙卷, 入口幾清新, 好適合作為前菜. 巴馬臣火腿蟹子沙律. 蔬菜又夠新鮮, 入口爽脆. 火腿味道不會過咸, 即是就咁食也可以, 兩者一齊食就好爽, 加上甜甜酸酸的沙律汁, 多重口感. 主菜出場~ 上枱時我的視線已被吸引住. 因為海鮮和牛肉是我最愛的食物. 海鮮包括香草牛油帆立貝, 韓式辛辣醬魷魚, 究極車海老. 蝦算幾大隻, 入口夠彈牙, 肉質帶有鮮味, 燒完不會點醬汁也可以. 韓式辛辣醬魷魚, 我不太食得辣, 也怕太辣, 但估不到辣味可以接受, 仲幾惹味添. 魷魚幾有咬口, 但又不用擔心過硬. 燒肉包括澳洲貴族和牛里肌肉, 芝士黑七味砂肝, 韓式泡菜醬雞腿肉. 第一時間試下澳洲貴族和牛里肌肉, 這個牛里肌肉牛味幾濃郁, 肉質腍身. 我自己覺得芝士黑七味砂肝幾特別, 平日好少見到這個款式. 內臟我也會食, 但不是好愛食, 而這個經過燒的砂肝, 咬時帶點硬身,口感幾特別, 由於加咗調味, 所以味道可接受, 即時不食內臟的朋友也可以一試. 食完肉和海鮮, 要燒下磨菇中和一下. 香草牛油大磨菇已用錫子盆載好, 直接放上烤板便可以. 燒完的磨菇完全不乾, 咬開時感覺好creamy, 仲吸收晒牛油的香味, 非常好味. 食完燒肉, 店員就奉上日式咖哩牛舌炒飯. 日式咖喱辣味較少, 所以較啱我口味. 炒飯的每粒米夠乾身, 再配上牛舌粒, 再混入葱粒和紅蘿白粒, 入口感覺到蒽的香味. 最後是甜品出瑒. 甜品是盛八自家制奶凍. 這個奶凍夠滑身, 有好香的奶味, 甜度適中, 非常好味, 我地兩個嫌太細杯, 仲想食多一杯添…
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
| 商店 | 盛八日式燒肉店 (尖沙咀店) |