抱歉,發生點錯誤。
重新載入
給最有霸氣知客最終回
技巧樹熊
2015-10-09
308
0
分享
收藏
上回說過,我如羅生門的那個痴漢般,約定某過一月來見你的約定,我唔知點解是否男人都是這樣冇性格,越得不到的東西,越是追求,因為那次被阿霞搞到我食唔到深深不憤?因為上次食唔到蟶子唔開心?定係係旺角店見不到她而不開心,是因為我有被虐待狂?結果,我就實行了我們的約定,我終於再於來到我們的雷克雅未克,我說過我要一次過了結我對你的那個痴纏的迷戀。來到了西環,遠遠的已經見到門牌,西環的分店,真係一如其他食家說,人沒有這樣多。
潮福蒸氣石鍋的相片 - 西環)
大約我們約定在這裡,是合理的。當我來到正門,'還記得當天旅館的門牌',那天旺角的那個知客令我記憶猶新,今天在這裡沒有了等位的人,沒有了霸氣的知客,也許非常正確,不過就是有點失落。環境一如闊落,裝修沒有之前的精美,是較為近舊式的酒樓,舊厚福酒家的感覺處處可見。也不說這麼多了,今晚直入唔駛等,仲要唔係好似上次夜晚先有得食所以乜貨都冇,今日有幾多叫幾多,一次過解決對每樣海鮮的思念。
潮福蒸氣石鍋的相片 - 西環)
好似前世未食過海鮮咁。
潮福蒸氣石鍋的相片 - 西環)
紐西蘭鑽石蜆,味道沒有加上任何調味,每粒都係肥美,原隻大大粒的鑽石蜆就咁幾分鐘即蒸即食,海水味勁濃,完全係只談海鮮的鮮味,風味大約就是這樣。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
蒜茸粉絲蒸蟶子都算大隻,我上次冇食,記得上次吃象拔蚌的調味好強,相對調味平時好優勝,但今晚粉絲同蒜蓉唔夠強,味道冇咁搶眼,但蟶子還算彈牙,蒸少三十秒應該最精彩,如愛蒜者,下次發覺唔夠可以再自己加。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
蘇格蘭大元貝,呢個大元貝好好肉,肉質也好像蒸得過熟了一點,但依舊係水準之上,依舊肥美,呢個都好像蟶子咁調味較淡,重口味可能覺得吃得不夠痛快,也是加蒜多一點,風味多一點。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
因為上次有食過蒜蓉蒸象拔蚌,本身想叫薑蔥蒸,但黎錯左,錯有錯著,不過,塞翁失馬,你又點知係唔好呢,呢個蒜蓉蒸象拔蚌非常不得了兼澎湃,那些蒜蓉蒸得濕潤無比,配合粉絲和蒸象拔蚌纏綿不斷,對比上次吃更大隻,淡淡的象拔蚌都有如搽了SK2的彈性,SK2而家似唔係好流行,可能係搽左La Mer的彈性吧。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
生猛龍蝦清蒸,這個龍蝦好過上次,應該是來貨的關係吧,龍蝦的肉嫩而新鮮,特別係那個鉗位,記得上次好似沒有鉗位,就只有龍蝦身可以吃,那些鉗位肉滑得很,如初身嬰兒般的柔滑,我很久沒有試過我會喜歡食個鉗多過個身(阿姐話,原來而家promote所有龍蝦都送鉗位同足一隻,下次冇啦),阿姐的熱心,我有一點的感動,大概我想起了劉小姐,原來呢度嘅服務真係好好多。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
美國石蠔,上次係金豪同樣吃過的海鮮,竟然呢度都有,好像而家每度蒸海鮮都有的必吃項目,石蠔係老朋友般大隻又juicy ,分分鐘大過你塊面,食完出黎蠔水三千,美妙動人,我一滴也不遺下。
潮福蒸氣石鍋的相片 - 西環)

潮福蒸氣石鍋的相片 - 西環)
手剁鮮蝦丸,上枱又係會震驚別人的項目,蒸前蒸後都係咁大粒,的確非常吸引,不過,當吃到那一刻,反而沒有那驚豔,相對也較失色,我以為會有彈牙的神采,不過好像有點死氣沉沉的感覺。
潮福蒸氣石鍋的相片 - 西環)

潮福蒸氣石鍋的相片 - 西環)
這類的服務都不錯,期間頭先講開個個好姐還同我地有講有笑,換枱執碟都快手,唯一我想搞個蒸氣爐時,佢就叫我唔好搞壞佢部機,可能佢真係有股份吧,不過佢個tone都好似係講笑咁,而且佢風格同霸氣知客劉小姐,上次接電話叫我阿霞的那位知客,三個對比以佢最好,佢地通常都用唔正嘅廣東話黎溝通,不過,今次呢個service最令人滿意。清蒸和牛,三分鐘的時間,和牛便煮得剛剛好,未試過係呢間食和牛,味道非常出色,要小心,蒸耐少少都會唔好食。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
胡椒和牛粒,呢個咬下去就噴肉汁的牛肉,外面的表皮味覺麻麻地可能時間蒸得有點難掌握,但當咬落去牛肉的核心部位,全部都有辣辣肉汁滲出。
潮福蒸氣石鍋的相片 - 西環)
我應該是最喜歡這個蒜蓉肉蟹蒸糯米飯了,鑑於是晚的味道好淡,我地做左一個小小的手腳,我係自助bar拿了一大碗生蒜,將其生蒜全部倒落碗飯到,那些煙韌的糯米飯和生蒜連綿親密,香氣滿載每粒米飯身上,蟹當然出色,呢個絕對係傑作。
潮福蒸氣石鍋的相片 - 西環)
食左咁多海鮮和肉類,最後當然要食下菜類中和一下,上次的經驗告訴我菜遠都是潮福的弱項,於是便選了蒜蓉蒸勝瓜同茄子,兩種各有千秋的食物都有一定的捧場客,勝瓜如果蒸得再淋一點應該會更美味,茄子我地再出絕招,加上無限量的茄子,加上蒸到茄子完全淋著的狀態,非常好吃。
潮福蒸氣石鍋的相片 - 西環)

潮福蒸氣石鍋的相片 - 西環)
最後牛肉,菜類,海鮮全部的精華滴落去煲的這個粥,應該係今晚精華,唔知點解充滿creamy和奶味的粥底,應該是每樣剛才吃過的海鮮吧,大家真係一定要食粥,因為好好食,係全晚的high light 。
潮福蒸氣石鍋的相片 - 西環)

潮福蒸氣石鍋的相片 - 西環)

潮福蒸氣石鍋的相片 - 西環)
八點食到十一點,老實說,驚喜少了,可能因為食過幾次,沒有了那個好興奮的感覺,大部分海鮮都好新鮮,不過,調味真係淡左,如果你同我都係殺不死你殺不死你的重口味,你應該會有點失望,或者好似我咁係咁出去攞生蒜。吃到這裡,姐姐仲要同我講,佢放工,叫我慢慢食,我問佢叫乜名,因為我想表揚下佢,佢就講;我唔駛升職啦,唔駛表揚,那刻,我覺得佢簡直就係敬業樂業之神人。然後佢輕輕說,我叫阿嬌,不過,其實因為口音關係,我唔知佢係twins嘅阿嬌,定係宋慧喬個阿喬,我只知道因為和劉小姐的約定,到我來到約定的雷克雅未克,我由討厭這類的知客,到現在心中好想表揚佢,前後係兩個月的時間,你永遠唔知中間發生乜野事,見到乜野人,大概這就是人生。情路上一樣,唔好因為一個男人出軌而放棄整個森林,你永遠唔知下個係點,如果我個日好嬲而沒有再去潮福食飯,那麼我便唔會再有呢兩篇嘅經歷。所以,如果你還是雷克雅未克的痴情漢,來吃一餐飯,送一杯啤酒會像娑婆茶一樣忘記了舊日的回憶,至少,我忘記了,我忘記了那霸氣知客對我的傷害。
潮福蒸氣石鍋的相片 - 西環)
潮福蒸氣石鍋

西環堅尼地城吉席街61號卿旺大廈地下及1樓


============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


============================================

~END~
人均 $650.00
商店 潮福蒸氣石鍋 (西環店)