適逢已經踏入十月，天氣仲係照樣炎熱，行多陣都仲係流晒汗個隻。但都無阻大閘蟹季開鑼，呢個月份又係開始食大閘蟹既時候喇。

上兩星期，和他已經睇緊有邊間餐廳做緊大閘蟹宴，但原來仲未推出! 諗諗下自己蒸都唔難呀，友人推介下就去左上環既「廣隆行」度買蟹。

由上環A2出口一路向右直行，見到紅噹噹既大招牌就到了。先看看廣隆行既來頭，原來店子已經營三十多年，係售賣大閘蟹既老字號，有自家的養殖場和專屬採購員，出品全係太湖大閘蟹; 更厲害既係得到全港唯一正版正貨商標的大閘蟹專門店，更得到香港食環處檢驗為合格食品，咁就食得安心又放心喇。更重要係因有自家養殖場，所以價格方面就不會受外界影響 (據聞今年大蟹少，所以價錢較高)，咁就食到又平又靚既大閘蟹喇。

門面放住兩個放滿大閘蟹既凍櫃，價錢由$2xx-$3xx/斤不等。今次我地選購左$240/斤既大閘蟹，兩雄兩雌，共4隻，每隻約有4-5兩重，拎上手仲係眼仔碌碌腳郁郁，感覺新鮮。

購買仲會附送一枝蟹醋、赤砂糖、紫蘇葉和薑茶一份，不過食大閘蟹既必備用具就要自行購買嚕。

由於我地唔係即日食，所以會建議將蟹放在雪櫃下格，如可以既話請鋪上一條濕毛巾，以免出風口會將蟹吹乾。(記住已死的大閘蟹不能食用啊! ) 後來隔左兩日先蒸黎食，大閘蟹都仲好生猛。

清洗時不用把水草解開，用牙刷刷乾淨蟹身；將蟹肚向上，每隻蟹上放片紫蘇葉，待水煮沸後，開始蒸約20分鐘便可以享用了。

煮好後，已見到蟹變成金黃色。有兩隻更加爆膏，不過個兩隻都係雄蟹，讓小妹非常期待。

雄蟹蟹肚身尖長形，雌蟹肚身屬圓大形; 另外雄蟹蟹腳有毛，而雌蟹係無的；據說由於雄蟹味道比較濃，所以先由雌蟹開始食。

雌蟹打開蟹蓋後，蟹膏望落未算好多，金黃色既蟹膏食落頗甘香，味道卻未算濃，而蟹肉肉質鮮甜。

不過對比下還是雄蟹蟹膏的味道較濃郁和明顯，蟹膏甘香四溢，而且較飽滿，食得很滋味呢。

廣隆行

地址: 上環永樂街119 號地下

(港鐵上環站 A2 出口, 步行約2分鐘)

電話: 2851 6821

營業時間: 星期一至日: 09:00-21:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================