|
bear生日飯,一行10人來左喱到食,聽講喱到既賣點係正宗韓國菜同味道唔錯~!
book左位,本身話冇房比的,不過去到時又有得坐房呀,太好了~!
房既設計唔錯~!
係香港食韓國菜,不少得韓燒~!
睇左一輪等齊人落單,幫我地落單的都係韓國人,不過識唔咸唔淡既廣東話,推介左邊d必食,多數都照佢意思啦~!
必食韓燒,大家都係食肉獸呀,好香同惹味~!
韓式前菜:色彩繽紛既前菜,有辣泡菜﹑辣豆腐﹑薯仔沙律﹑豆芽﹑菠菜﹑魚片同魚乾,我一向麻麻地喱d,不過薯仔沙律必食(個人like),辣豆腐少少辣都唔錯,泡菜就真係太辣了岩食得辣之人,白色一粒粒果d,賣相好似蒟篛,味道是咸的,口感有點似唧喱,其他既味通都正常~!
海鮮煎餅:好有份量既煎餅,好大塊同好厚,食落外層好香脆,裡面就熱辣辣,有好多魷魚同蔥食落好香口,亦唔係好油膩~!
石頭飯:份量好少,食落少少辣,味道唔錯,不過冇食到飯焦~!
炆牛肋骨:牛肋骨炆得幾腍,入口鬆化,口感有點似牛腩,味道又濃郁,白蘿蔔亦好入味,唔錯呀~!
炒年糕:少少辣,食落煙煙韌韌,比較鍾意佢個口感多過味道,唔錯呀~!
炒粉絲:比平時食開既粉絲較為粗身,口感煙韌,亦唔油,不過偏淡味~!
唔記得叫咩鍋,睇個賣相就知勁野,都幾辣既湯底,雖然平時唔太好辣野,不過都好想試下,感覺好剌激呀,冇想像咁辣同幾好味,配公仔麵,仲有好多其他配料~!
每人試左少少,味道唔錯呀,食晒d麵同配料仲剩好多湯底,真係好想去buy包公仔麵自己錄呀(當然冇咁做啦唔得呀haaaaaaaaa),之後就咁飲左少少,真係好辣呀,要配麵食先可以減低d辣呀~!
飯後...甜品?!?薄荷味既糖,有點似萬樂珠~!
綜合來講都唔錯,不過我唔太好韓國菜,只係鍾意食韓燒,服務方便爭點,不過可能係佢地既特色,服務我地果個韓國人...懷疑係味老板娘來的...haaaaaaaaa~!
尖沙咀堪富利士道5號地下
感謝 味之素 提供以上資料
個人日誌: http://moritatintin.blogspot.hk/
| 
